ខ្យល់អាកាសមិនបរិសុទ្ធនៅក្នុងបន្ទប់ជាហេតុធ្វើឲ្យអ្នកមានផលវិបាកក្នុងការដកដង្ហើមពេលអ្នកកំពុងគេងដែលអាចប៉ះពាល់ដល់គុណភាពនៃការគេងរបស់អ្នកដូចជាគេងមិនបានស្កប់ស្កល់ជាដើម។ តើធ្វើដូចម្តេចទើបអាចទទួលបានខ្យល់អាកាសបរិសុទ្ធល្អនៅក្នុងបន្ទប់គេង?

អ្នកគ្រាន់តែធ្វើការបន្ថែមប្រភេទរុក្ខជាតិនៅក្នុងបន្ទប់គេងមួយចំនួនទៅតាមកន្លែងដែលអ្នកចង់ដាក់វាដូចជានៅលើតុរៀន ទូសៀវភៅ មាត់បង្អួច មាត់ទ្វាជាដើម។ វាមិនត្រឹមតែអាចជួយលំអបន្ទប់ឲ្យមើលទៅស្រស់ស្អាតប៉ុណ្ណោះទេ រុក្ខជាតិនឹងជួយផ្តល់ខ្យល់អុកស៊ីសែនល្អៗដែលអ្នកកំពុងតែត្រូវការផងដែរ។

ហើយទាំងនេះគឺជាអត្ថប្រយោជន៍ ៣ ប្រភេទដែលទទួលបានពីការមានរុក្ខជាតិនៅក្នុងបន្ទប់គេង៖

១. ជួយធ្វើឲ្យអ្នកគេងលក់ស្រួលនៅពេលយប់ដោយសារខ្យល់អុកស៊ីសែនបរិសុទ្ធ

២. ជួយបំបាត់ភាពតានតឹងនឹងការធុញថប់អារម្មណ៍ពេលមានរុក្ខជាតិនៅជុំវិញខ្លួន

៣. ង្កើនការផ្តោតអារម្មណ៍ និងផលិតភាពទាំងការសិក្សានឹងការងារ

តាមការសិក្សារស្រាវជ្រាវក៏បានបង្ហាញដែលថាមនុស្សមានការផ្តោតអារម្មណ៍ខ្លាំងនៅពេលមានដើមរុក្ខជាតិជាច្រើននៅជុំវិញខ្លួនជាពិសេសនោះសម្រាប់អ្នកដែលសម្លឹងមើលកុំព្យូទ័រយូរពេក ធ្វើការក្រឡែកមើលរុក្ខជាតិនឹងផ្លាស់ប្តូរអារម្មណ៍អ្នកបានភា្លមៗ៕

ប្រភពរូបភាព៖ Pinterest

ចុចអានបន្ត៖

• ៤ វិធីក្នុងការថែទាំសុខភាពរាងកាយនឹងផ្លូវចិត្ត
• អាហារល្អបំផុត ៨ ប្រភេទសម្រាប់សុខភាពភ្នែក