ការធ្វើឲ្យទំនាក់ទំនងស្នេហារបស់អ្នកមានភាពប្រសើរឡើង ទទួលបានភាពផ្អែមល្ហែម និងរក្សាឲ្យបានគង់វង្សនោះវាមិនមែនជារឿងងាយស្រួល ហើយក៏មិនមែនពិបាកខ្លាំងណាស់ណាដែរ។ អ្នកគ្រាន់តែដឹងអំពីវិធីនៃការដោះស្រាយ និងវិធីបង្កើនចំណងមិត្តភាពស្នេហារបស់អ្នកឲ្យបានរឹងមាំ។

វាជារឿងធម្មតាទៅហើយសម្រាប់ដៃគូសង្សារប្តីប្រពន្ធនោះ សេចក្តីស្រឡាញ់នឹងការឈ្លោះទាស់ទែងគ្នាតែងតែកើតមានឡើយ។ វាអាចនឹងកើតតិចឬច្រើនអាស្រ័យទៅលើដៃគូទាំងពីរនោះចេះរកវិធីដោះស្រាយ ជាជាងការយកតែត្រូវ ឬយកតែឈ្នះរៀងៗខ្លួន។ ពេលខ្លះទម្លាប់សាមញ្ញៗមួយចំនួយដូចជាការប្រាស្រ័យទាក់ទងគ្នាឲ្យបានញឹកញាប់ជារៀងរាល់ថ្ងៃ និងការយកចិត្តគ្នាក៏អាចជួយធ្វើឲ្យទំនាក់ទំនងរបស់អ្នកមានភាពស្និតស្នាលកាន់តែខ្លាំងបានផងដែរ។

ទម្លាប់ទាំង ៧ យ៉ាងនេះអាចជួយធ្វើឲ្យទំនាក់ទំនងស្នេហារបស់អ្នកមានភាពស្និតស្នាលខ្លាំង និងមានភាពរឹងមាំជាងគេ៖

១. ការប្រាស្រ័យទាក់ទងគ្នាក្នុងអំឡុងពេលថ្ងៃដូចជាការផ្ញើសារ

២. ធ្វើកិច្ចការផ្ទះជាមួយគ្នា និងចេះជួយយកអាសាគ្នា

៣. ការប្រាស្រ័យទាក់ទងគ្នាដោយសេរី និងបើកចំហ

៤. បង្ហាញពីការដឹងគុណចំពោះរឿងបន្តិចបន្តួចដែលដៃគូធ្វើចំពោះខ្លួន

៥. ដោះស្រាយជម្លោះភ្លាមៗ កុំចាំពេលនេះពេលនោះ

៦. ការសរសើរគ្នាទៅវិញទៅមកទៅលើរឿងអ្វីក៏ដោយ

៧. និងប្រើពាក្យអូនស្រឡាញ់បង បងស្រឡាញ់អូនឲ្យញឹកញាប់

ទាំងនេះគឺជារូបមន្តដ៏ល្អសម្រាប់ទំនាក់ទំនងស្នេហា វាអាចធ្វើឲ្យអ្នកទាំងពីរមានទម្លាប់ប្រចាំថ្ងៃដូចគ្នានឹងផ្តល់ពេលវេលាល្អៗ ភាពសប្បាយរីករាយជាមួយគ្នា និងផ្តល់សុភមង្គលសម្រាប់ជីវិតដៃគូរបស់អ្នកទាំងពីរឲ្យបានគង់រង្សយូរអង្វែង៕

ប្រភពរូបភាព៖ Pinterest

ចុចអានបន្ត៖

• ៧ សញ្ញាបញ្ជាក់ថាដៃគូរបស់អ្នកកំពុងតែធ្វើការគ្រប់គ្រងអ្នកហើយ
• ៤ វិធីក្នុងការជំរុញកូនៗឲ្យខិតខំរៀនសូត្រក្នុងអំឡុងពេលជំនាន់កូវីដ-១៩