នៅពេលដែលអ្នកចាប់ផ្តើមមានស្នេហានឹងចាប់ផ្តើមស្រឡាញ់គេខ្លាំងអស់ពីដួងចិត្តនោះ អ្នកនឹងផ្តល់សេចក្តីស្រឡាញ់ដែលមានទាំងប៉ុន្មានឲ្យទៅគេសឹងតែទាំងអស់។ ហើយនេះជាមូលហេតុចម្បងដែលបណ្តាលឲ្យអ្នកឈឺចាប់ខ្លាំងរហូតធ្វើបាបខ្លួនឯងនៅពេលមានការបែកបាក់ ឬពិបាកក្នុងការកាត់ចិត្ត ព្យាបាលពីជំងឺបែកបាក់ស្នេហានោះ ដោយសារក្តីស្រឡាញ់ទាំងប៉ុន្មានដែលអ្នកមានត្រូវបានគេយកទៅអស់ ហើយអ្នកវិញគ្មានសល់សូម្បីតែបន្តិចសម្រាប់ខ្លួនឯង។

ការផ្តល់ក្តីស្រឡាញ់ឲ្យខ្លួនឯងច្រើនៗគឺមានអត្ថប្រយោជន៍ខ្លាំងណាស់ ហើយអត្ថប្រយោជន៍ទាំងនោះរួមមានដូចជា៖

• អ្នកនឹងក្លាយជាមនុស្សឯករាជ្យជោគជ័យ
• អ្នកនឹងទទួលបានទំនុកចិត្ត និងភាពជឿជាក់លើខ្លួនឯង
• អ្នកនឹងទទួលបានឆាកជីវិតរស់នៅប្រកបដោយភាពសប្បាយចិត្ត និងងាយស្រួល
• ហើយអ្នកអាចធ្វើការផ្តល់ក្តីស្រឡាញ់ទៅកាន់អ្នកដទៃវិញ និងជំរុញលើកទឹកចិត្តអ្នកដទៃឲ្យបានប្រសើរឡើងដូចជាអ្នកដែរ

ដូចច្នេះពេលក្រោយដែលអ្នកធ្លាក់ក្នុងអន្លង់ស្នេហ៍ម្តងទៀតអ្នកនឹងដឹងពីរបៀបឲ្យសេចក្តីស្រឡាញ់ទៅកាន់សង្សាររបស់អ្នកដែលអាចផ្តល់សុភមង្គលដល់អ្នកទាំងពីរ និងសម្រាប់ខ្លួនឯង។ ត្រូវចាំថាយ៉ាងហោចណាស់ទុក ៦០ ទៅ ៧០ ភាគរយសម្រាប់ខ្លួនឯងបើទោះបីជាជីវិតស្នេហានោះល្អឥតខ្ចោះយ៉ាងណាក៏ដោយ៕

ប្រភពរូបភាព៖ Pinterest

ចុចអានបន្ត៖

• ៥ វិធីក្នុងការសន្សំលុយក្នុងអំឡុងពេលកូវីដ
• ៥ វិធីដើម្បីរស់នៅប្រកបដោយភាពសប្បាយចិត្ត