បញ្ហាលុយនៅតែចោទជារឿងសំខាន់ដែលត្រូវបានយកមកពិភាក្សាជាប្រចាំ ជាពិសេសគឺនៅក្នុងសម័យកូវីដ-១៩ នេះតែម្តង។ មនុស្សម្នាក់ៗដឹងច្បាស់ណាស់ថាអ្វីដែលគួរចំណាយ និងអ្វីដែលមិនគួរ តែរឿងតែងតែកើតឡើយដោយមិនបានដឹងមុន។ ការចំណាយទៅលើការជួសជុលឬផ្លាស់ប្តូរគ្រឿងបន្លាស់យានជំនិះដែលខូច ការចំណាយទៅសម្ភាររបស់កូនៗក្នុងការសិក្សា ការចំណាយទៅលើការឈឺថ្កាត់ភ្លាមៗ និងទៅលើចំណីអាហារប្រចាំថ្ងៃជាដើម។

ការសន្សំលុយរបស់អ្នកវាអាចនឹងទៅដោយរលូនបើគ្មានបញ្ហា តែវានឹងមានការរអាក់រអួលទៅមុខថយក្រោយបើមានបញ្ហា និងតម្រូវការជាប្រចាំវិញនោះ។ ហើយទាំងនេះមិនទាន់បានរាប់បញ្ចូលជាមួយនឹងបញ្ហាធំៗផង ជាឧទាហរណ៍នោះគឺ បំណុល មិនថាអ្នកយកទៅទិញអ្វីក៏ដោយ វាបានក្លាយជាឧបសគ្គដ៏ធំបំផុតក្នុងការរារាំងទៅលើការសន្សំលុយ។

ដូចច្នេះមកអនុវត្តតាមវិធីទាំង ៥ ខាងក្រោមនេះដើម្បីជួយអ្នកបានមួយកម្រិតថែមទៀតក្នុងការសន្សំលុយ៖

• ព្យាយាមទិញរបស់បញ្ចុះតម្លៃដែលអាចប្រើប្រាស់បាន
• ខ្ចប់អាហារពីផ្ទះជានិច្ចសម្រាប់អ្នកធ្វើការ ឬទៅណាជិតឆ្ងាយ
• ធ្វើការកែឆ្នៃរបស់ចាស់ៗយកមកប្រើប្រាស់វិញ ឬជួសជុលសិនមុននឹងទិញថ្មី
• ការជួបជុំមិត្តភក្ដិគួរតែធ្វើនៅផ្ទះនរណាម្នាក់ ជាជាងទៅភោជនីយដ្ឋាន ឬហាងកាហ្វេ
• ព្យាយាមសងបំណុលឲ្យអស់ និងកុំយកខ្លួនទៅពាក់ព័ន្ធជាមួយវាម្តងទៀតឲ្យសោះ

អ្វីដែលសំខាន់បំផុតនោះគឺកុំឲ្យមានជំពាក់បំណុលឲ្យសោះ មិនធានាគារ មិត្តភក្ដិ ឬគ្រួសារឡើយ អ្នកនឹងអាចមានឱកាសច្រើនក្នុងការសន្សំលុយច្រើនជាងអ្នកដែលមានបំណុលជាប់ខ្លួន ទោះបីវាតិចក៏ដោយ៕

ប្រភពរូបភាព៖ Pinterest

ចុចអានបន្ត៖

• ៥ វិធីដើម្បីរស់នៅប្រកបដោយភាពសប្បាយចិត្ត
• ហេតុផល ៤ យ៉ាងដែលមនុស្សជោគជ័យស្លៀកពាក់ដដែលៗជារៀងរាល់ថ្ងៃ