មូលហេតុ ៦ យ៉ាងដែលធ្វើឲ្យមនុស្សម្នាក់អាចមានអារម្មណ៍ខឹង

  • 2021-06-21 12:00:00
  • ចំនួនមតិ 0 | ចំនួនចែករំលែក 0

កំហឹងគឺជាអារម្មណ៍ដែលមនុស្សជាច្រើនបង្ហាញវាចេញមកនៅពេលដែលពួកគេទទួលរងការប៉ះទង្គិចពីអ្វីមួយ ប៉ុន្តែពួកគេក៏មិនចង់ធ្វើការបង្ហាញវាចេញមកដែរ ពីព្រោះវាអាចផ្ដល់គុណវិបត្តិនៅពេលក្រោយ និងក៏អាចប៉ះពាល់ដល់អារម្មណ៍អ្នកដទៃផងដែរ។ យើងទាំងអស់គ្នាអាចកើតមានអារម្មណ៍ខឹងនៅពេលខុសៗគ្នា វាជាផ្នែកមួយនៃបទពិសោធរបស់មនុស្សដែលកំពុងថប់អារម្មណ៍ដោយហេតុផលមូលដ្ឋាននានា អំពីអតីតកាល និងហេតុផលជាច្រើនទៀតដែលធ្វើឲ្យមានការផ្ទុះកំហឹងនោះឡើង។

កំហឹងអាចមានដោយសារការឆាប់ខឹងរបស់មនុស្សនោះ ឬជាមានអារម្មណ៍តានតឹងដែលបណ្ដាលមកពីសម្ពាធនានា ភាពធុញទ្រាន់នៅលើអ្វីមួយក៏អាចត្រូវបានគេមើលឃើញថាជាហេតុធ្វើឲ្យមានកំហឹងកើតឡើង។ ហើយខាងក្រោមនេះគឺជាមូលហេតុចម្បងទាំង ៦ យ៉ាងដែលធ្វើឲ្យមនុស្សម្នាក់អាចមានកំហឹងខឹងបាន៖

  • អ្នកកំពុងត្រូវបានគេមើលងាយ ឬការគោរពឲ្យតម្លៃមិនស្មើភាព តែដោយភាពអយុត្តិធម៌
  • អ្នកមានអារម្មណ៍ថាមានការគំរាមកំហែង ឬការរំលោភបំពានពីអ្នកដទៃ
  • មកពីកម្រិតខ្ពស់នៃភាពតានតឹង ឬការថប់បារម្ភរបស់អ្នក (ស្ត្រេសខ្លាំង)
  • អ្នកត្រូវបានគេកំពុងធ្វើបាបខាងផ្នែករាងកាយនឹងអារម្មណ៍
  • អ្នកមានអារម្មណ៍ថាអស់សង្ឃឹមទៅលើអ្វីមួយ
  • និងមានអារម្មណ៍ថាគ្មានថាមពលធ្វើអ្វីទាំងអស់

ការរៀនពីវិធីក្នុងការគ្រប់គ្រងកំហឹងរបស់អ្នកគឺជាជំហានដំបូងដើម្បីយល់ដឹងអំពីមូលហេតុដែលកំហឹងរបស់អ្នកអាចនឹងកើតឡើង និងដើម្បីគ្រប់គ្រងទៅលើអារម្មណ៍មិនល្អដែលកំពុងតែពុះកញ្ជ្រោលខឹងនៅគ្រប់កាលៈទេសៈណាមួយ។ ការរៀនរម្ងាប់កំហឹងរបស់អ្នកដោយសុជីវធម៌ និងដោយសន្ដិវិធីគឺមានន័យថាអ្នកយល់ដឹងអំពីការគ្រប់គ្រងអារម្មណ៍របស់អ្នកក្នុងការដំណោះស្រាយប្រកបដោយសុខមាលភាពល្អ៕

ប្រភពរូបភាព៖ Pinterest

ចុចអានបន្ត៖

អត្ថបទ៖ Chrel Den

អត្ថបទពេញនិយម