មនុស្សម្នាក់ៗតែងតែមានភាពមមាញឹករៀងៗខ្លួន មិនថាអ្នកធ្វើការ សិស្សសាលា អ្នករកស៊ីក៏ដោយ។ អ្នកប្រហែលជាបានព្យាយាមខ្លាំងណាស់ដែរ ទាំងការអាន ការស្រាវជ្រាវអំពីរបៀបដែលធ្វើឲ្យស្រកទម្ងន់ ឡើងគីឡូ ឬក៏ដើម្បីសុខភាពល្អ អ្នកខ្លះទទួលផលយ៉ាងគាប់ចិត្ត ហើយខ្លះទៀតក៏មិនបានផលល្អដូចដែលខ្លួនប៉ងចង់បាន។ ប៉ុន្តែកុំបារម្ភអី អ្នកមិនចាំបាច់មានពេលវេលាបន្ថែមឡើយ គ្រាន់តែអនុវត្តន៍តាមវិធីងាយៗទាំង ៥ ខាងលក្រោមនេះដែលអាចជួយដល់អ្នកដែលមិនសូវមានសុខភាពល្អ អ្នកស្គម អ្នកធាត់ ឲ្យមានរាងស្អាត និងសុខភាពល្អប្រសើរឡើងវិញបាន៖

១. កាហ្វេខ្មៅ កាហ្វេខ្មៅមួយពែងគឺគ្មានជាតិកាឡូរីទេ បើសិនមិនចេះញុំាកាហ្វេខ្មៅ សាកលាយជាមួយទឹកដោះគោស្រស់វិញ។

២. អាហារសម្រន់ ជំនួសអាហារទាំងនោះទៅជាគ្រាប់ធុញ្ញជាតិ ទឹកដោះគោជូរ បន្លែ និងផ្លែឈើគ្រប់មុខដែលជាអាហារសម្រន់ និងអាហារបំប៉នដ៏ល្អ។

៣. ទឹកដោះគោ ទឹកដោះគោមានផ្ទុកជាតិកាល់ស្យូម និងសារធាតុចិញ្ចឹមចាំបាច់ផ្សេងៗទៀតដែលជួយផ្តល់ថាមពល និងជួយបង្កើនការរំលាយអាហាររបស់អ្នកឲ្យដំណើរការល្អ ហើយនឹងជួយអ្នកក្នុងការសម្រកទម្ងន់បានលឿននឹងមានសុខភាពល្អ។

៤. អាហារពេលល្ងាច ចង់ស្រកឆាប់មែនទេ! អ៊ីចឹងគួរតែប្តូររបបអាហារពេលល្ងាចហើយ។ ព្យាយាមញុំាប្រភេទស៊ុបក្តៅៗដែលមានបន្លែច្រើននឹងកុំញុំាបាយ ញុំាជាប្រភេទសាលាដ ហើយជាពិសេសនោះគឺការផឹកទឹកក្តៅឧណ្ឌៗមួយកែវមុនពេលចូលគេង។

៥. ចំណាយពេលហាត់ប្រាណខ្លះ វាពិបាកក្នុងការឆ្លៀតពេលធ្វើនេះធ្វើនោះ ជាពិសេសនោះនៅពេលកំពុងរវល់ធ្វើការងារ។ បើមិនអាចចេញក្រៅបានទេ អ្នកគួរព្យាយាមហាត់ប្រាណយ៉ាងហោចណាស់ ១៥ ទៅ ៣០ នាទីក្នុងមួយថ្ងៃ៕

ប្រភពរូបភាព៖ Pinterest

ចុចអានបន្ត៖

• ៤ វិធីដើម្បីដោះស្រាយលើបញ្ហានឹងវិបត្តិផ្លូវចិត្ត
• ៨ សញ្ញានៃជំងឺការថប់អារម្មណ៍កើតឡើងចំពោះកុមារដែលឪពុកម្តាយមិនបានដឹងឡើយ