ស្រាយឲ្យអស់ចម្ងល់ ! រឿងស៊ុតមាន់មានផ្នែកពណ៍លឿងដិត ជីវជាតិខ្លាំងជាងពណ៍ស្រាលឬអត់

2021-05-04 07:52:00
ចំនួនមតិ 0 | ចំនួនចែករំលែក 0

មនុស្សជាច្រើនតែងគិតថា ពងមាន់ដែលមានផ្នែកលឿងដិតខ្លាំង គឺមានជីវជាតិជាងពងមាន់ដែលមានផ្នែកលឿងស្រាល។ តើនេះជាការពិតឬទេ?

ផ្អែកតាមលោកវេជ្ជ . Vanessa Rissetto មកពីសហរដ្ឋអាមេរិក និងសហការីរបស់លោក បកស្រាយថា ពងមាន់ដែលមានផ្នែកលឿងដិត ភាគច្រើនកើតចេញពីមេមាន់ដែលស៊ីស្មៅជាចំនី។ លើសពីនេះ វាស៊ីចំនីស្រស់ៗដូចជាពពួកស្មៅពណ៍បៃតង។ ម្ល៉ោះហើយ ចំនីដែលសម្បូរដោយជាតិការ៉ូទីនធ្វើឲ្យផ្នែកស៊ុតទៅជាពណ៍លឿងដិត។ លើសពីនេះ បើម្ចាស់កសិដ្ឋានបន្ថែមគ្រាប់ជីក្នុងរបបចំនីរបស់មេមាន់ នោះនឹងធ្វើឲ្យផ្នែកស៊ុតនោះកាន់តែចេញពណ៍លឿងដិតខ្លាំង។

ផ្ទុយទៅវិញ បើមេមាន់ស៊ីចំនីដូចជាស្រូវសាលី ពោត នោះពងរបស់វាមានផ្នែកពណ៍លឿងស្រាល។

ដូច្នេះ តើកម្រិតពណ៍របស់ស៊ុតជះឥទ្ធិពលដល់សុខភាពអ្នកបរិភោគឬទេ?

លោកវេជ្ជ . Rachel Paul មកពី CollegeNutriologist.com និយាយថា ការសិក្សាមួយចំនួនធ្លាប់ចេញផ្សាយថា ស៊ុតដែលមានផ្នែកលឿងដិតដែលកើតចេញពីមេមាន់ដែលគេចិញ្ចឹមដោយឲ្យស្មៅស៊ី ទំនងជាផ្ទុកអូមេហ្គា៣ខ្ពស់ រួមទាំងវីតាមីនច្រើនជាងមេមាន់ដែលគេចិញ្ចឹមតាមបែបធម្មតាមិនខាន។

យ៉ាងនេះក្តី លោកវេជ្ជបណ្ឌិតបានច្រានចោល ហើយលោកបានបញ្ចាក់ថា មិនថាស៊ុតនោះមានផ្នែកលឿងដិត ឬស្រាលទេ វានៅតែផ្ទុកបរិមាណប្រូតេអ៊ីននិងជាតិខ្លាញ់ដូចគ្នាទាំងអស់៕

ប្រភព៖ Phunutoday ប្រែសម្រួល៖ លឹម សុនា