ការស្រាវជ្រាវបានបង្ហាញថាទម្លាប់សាមញ្ញៗមួយចំនួយដូចជាការប្រាស្រ័យទាក់ទងគ្នាក្នុងអំឡុងពេលថ្ងៃ និងការចូលគេងក្នុងពេលតែមួយអាចជួយឲ្យទំនាក់ទំនងរបស់អ្នកមានភាពស្និតស្នាល។ ការធ្វើឲ្យទំនាក់ទំនងស្នេហារបស់អ្នកមានភាពប្រសើរឡើង ភាពផ្អែមល្ហែម និងឲ្យបានគង់វង្សនោះវាមិនមែនជារឿងងាយស្រួល ហើយក៏មិនមែនពិបាកខ្លាំងណាស់ណាដែរ។ អ្នកគ្រាន់តែដឹងអំពីវិធីនៃការដោះស្រាយ និងវិធីបង្កើនចំណងមិត្តភាពស្នេហារបស់អ្នកឲ្យបានរឹងមាំ។

វាជារឿងធម្មតាទៅហើយសម្រាប់ដៃគូសង្សារ ឬប្តីប្រពន្ធ សេចក្តីស្រឡាញ់នឹងការឈ្លោះទាស់ទែងគ្នាតែងតែកើតមានឡើយ។ វាអាចនឹងកើតតិចឬច្រើនអាស្រ័យទៅលើដៃគូទាំងពីរនោះចេះរកវិធីដោះស្រាយ ជាជាងការយកតែត្រូវ ឬយកតែឈ្នះរៀងៗខ្លួន។

ទម្លាប់ទាំង ៨ យ៉ាងនេះអាចជួយធ្វើឲ្យទំនាក់ទំនងស្នេហារបស់អ្នកមានភាពស្និតស្នាល អាចជួយការពារជីវិតដៃគូរបស់អ្នកឲ្យបានគង់វង្ស និងធ្វើឲ្យមានភាពរឹងមាំថែមទៀតផង៖

• ការប្រាស្រ័យទាក់ទងគ្នាដោយសេរី និងបើកចំហ
• ធ្វើកិច្ចការផ្ទះជាមួយគ្នា និងចេះជួយយកអាសាគ្នា
• ការប្រាស្រ័យទាក់ទងគ្នាក្នុងអំឡុងពេលថ្ងៃដូចជាការផ្ញើសារ
• ការសរសើរគ្នាទៅវិញទៅមក
• បង្ហាញពីការដឹងគុណចំពោះរឿងបន្តិចបន្តួចដែលដៃគូធ្វើចំពោះខ្លួន
• ដោះស្រាយជម្លោះភ្លាមៗ កុំចាំពេលនេះពេលនោះ
• ការចូលគេងក្នុងពេលតែមួយ
• ប្រើពាក្យអូនស្រឡាញ់បង បងស្រឡាញ់អូនឲ្យញឹកញាប់

ទាំងនេះគឺជារូបមន្តដ៏ល្អសម្រាប់ទំនាក់ទំនងស្នេហា វាអាចធ្វើឲ្យអ្នកទាំងពីរមានទម្លាប់ប្រចាំថ្ងៃដូចគ្នានឹងផ្តល់ពេលវេលាល្អៗ ភាពសប្បាយរីករាយជាមួយគ្នា និងផ្តល់សុភមង្គលសម្រាប់ជីវិតដៃគូរបស់អ្នកទាំងពីរ៕

ប្រភពរូបភាព៖ Freepik

ចុចអានបន្ត៖

• វិធីការពារទំនាក់ទំនងស្នេហារបស់អ្នកឲ្យនៅគង់​វង្ស
• វិធីបំភ្លេច និងបំបាត់ទុក្ខសោករឿងស្នេហា