វិធីបំភ្លេច និងបំបាត់ទុក្ខសោករឿងស្នេហា

  • 2021-03-18 07:00:00
  • ចំនួនមតិ 2 | ចំនួនចែករំលែក 7

ការខូចចិត្តពីការបែកបាក់ស្នេហា ប្រៀបបានដូចជាគេយកកាំបិតមកចាក់ដើមទ្រូងអញ្ចឹង ហើយវាពិបាករកវិធីស្រោចស្រង់ខ្លាំងណាស់ គឺវាពិតជាគ្រាំគ្រាចិត្ត ឈឺចាប់ស្ទើររស់ស្ទើរស្លាប់។ មិនថាអ្នកទាំងពីរបាននៅជាមួយគ្នា មានអនុស្សាវរីយ៍ច្រើន ឬក៏ទើបតែចាប់ផ្តើមនៅជាមួយគ្នាក៏ដោយ បើមានការបែកបាក់គឺមានការខូចចិត្តនិងទុក្ខសោកដូចតែគ្នានឹង។

អ្នកមានអារម្មណ៍ថា អ្នកត្រូវបានគេនោះយកបេះដូងរបស់អ្នកចេញពីទ្រូងទៅបាត់។ ការគិតថាថ្ងៃណាមួយវានឹងបានល្អប្រសើរឡើងវិញ វាអាច ប៉ុន្តែទាមទារឲ្យមានការខិតខំព្យាយាមខ្លាំង និងចំណាយពេលយូរក្នុងការព្យាបាល។ ការយំសោកមកក្រៅ ការប្រាប់វាទៅកាន់មនុស្សដែលអ្នកគិតថាអាចស្តាប់អំពីបញ្ហារបស់អ្នកបាន វាប្រៀបដូចជាបានដកកាំបិតនោះចេញអញ្ចឹង។

ព្យាយាមធ្វើរឿងទាំងនេះ ដើម្បីព្យាបាលខ្លួនឯង៖

  • ត្រូវចាំថាអ្នកនឹងមិនរស់នៅក្នុងអតីតកាលទៀតឡើយ ដូចច្នេះផ្តោតចំពោះរឿងបច្ចុប្បន្ននឹងអនាគត
  • ស្វែងរកអ្វីមួយដែលអ្នកចូលចិត្តធ្វើ ឬក៏សាកល្បងអ្វីដែលថ្មីៗដើម្បីបំភ្លេចរឿងពិបាកចិត្តទាំងនោះ
  • ទទួលយកថាការបញ្ចប់គឺជាអ្វីមួយដែលអ្នកត្រូវជ្រើសយក និងជាវិធីដែលអាចព្យាបាលបាន ហើយធ្វើឲ្យអ្នកសប្បាយចិត្ត
  • ត្រូវមានជំនឿថាការឈឺចាប់នឹងមិននៅជាមួយអ្នកជារៀងរហូតនោះទេ វានឹងបាត់ទៅនៅថ្ងៃណាមួយដែលត្រូវការពេលវេលា
  • រៀនអត់អោនទោសគឺជាវិធីដែលធ្វើឲ្យអ្នកមានភាពវិជ្ជមាន និងភាពខ្លាំងនៅក្នុងខ្លួន

ដូចច្នេះមានតែការលើកទឹកចិត្តដោយការស្រឡាញ់ខ្លួនឯង ការប្តេជ្ញាចិត្ត និងការយល់ដឹងអំពីអត្ថប្រយោជន៍សម្រាប់ខ្លួនឯងដែលអ្នកនឹងទទួលបាននោះទេ ទើបជាហេតុផលដែលអ្នកត្រូវធ្វើ។ រឿនរស់នៅដោយភាពឆ្លាតវៃ និងភាពសប្បាយចិត្តគ្រប់វិនាទីដែលអ្នកមាន៕

ប្រភពរូបភាព៖ Freepik

ចុចអានបន្ត៖

អត្ថបទ៖ Chrel Den

អត្ថបទពេញនិយម