អារម្មណ៍អស់កម្លាំង និងងងុយគេងគឺជារឿងធម្មតាទៅហើយទៅលើមនុស្សគ្រប់រូបក្នុងជីវិតរស់នៅប្រចាំថ្ងៃ។ អ្នកខ្លះប្រហែលជាអស់កម្លាំងម្ដងម្កាលក្នុងអំឡុងពេលថ្ងៃពីព្រោះអ្នកគេងមិនសូវលក់នៅពេលយប់ ឬក៏មកពីការងារច្រើនពេកពេញមួយថ្ងៃ។ តែមានអ្នកខ្លះទៀតនោះគឺអស់កម្លាំងរហូតតែម្តង ទាំងថ្ងៃទាំងយប់គឺគ្រប់ពេលវេលា។

បញ្ហាដែលបង្កឲ្យមានការអស់កម្លាំងរហូតនោះមានដូចជា៖

• របបរអាហារប្រចាំថ្ងៃរបស់អ្នកមិនសូវសម្បូរប្រូតេអ៊ីន និងសារធាតុចិញ្ចឹម
• អ្នកខ្វះជាតិវីតាមីនអ្វីមួយនៅក្នុងសរីរាង្គកាយ
• គេងមិនបានគ្រប់គ្រាន់
• ស្ត្រេស និងការគិតច្រើនគ្រប់ពេល

អនុវត្តតាមវិធីទាំងនេះដើម្បីកាត់បន្ថយភាពអស់កម្លាំងរហូត៖

• ត្រូវមានម៉ោងចូលគេង និងម៉ោងក្រោកពីគេងឲ្យបានទៀងទាត់
• ផឹកទឹកនឹងសារធាតុរាវឲ្យបានច្រើន (ចៀសវាងជាតិកាហ្វេអ៊ីន)
• តែងតែញ៉ាំអាហារពេលព្រឹកជានិច្ច (ទោះបីតិចក៏ដោយ)
• ញ៉ាំប្រភេទបន្លែផ្លែឈើឲ្យបានច្រើន

ការហាត់ប្រាណដើម្បីបញ្ចេញជាតិពុលពីក្នុងសរីរាង្គកាយ បញ្ចេញកម្លាំងថាមពលគឺជាវិធីធ្វើឲ្យអ្នកគេងលក់បានស្កប់ស្កល់ និងជាហេតុផលដែលជួយឲ្យអ្នកមិនសូវអស់កម្លាំងរហូត៕

ប្រភពរូបភាព៖ Freepik

ចុចអានបន្ត៖

• រឿងដែលអាចនឹងកើតឡើងបើអ្នកមិនញ៉ាំអាហារពេលព្រឹក
• អត្ថប្រយោជន៍នៃការឈប់ផឹកគ្រឿងស្រវឹង