ប្រហែលជាអ្នកបានសម្រេចចិត្តបញ្ចប់មិត្តភាពហើយដើរចេញ ឬក៏មិត្តរបស់អ្នកជាអ្នកធ្វើវាឡើងដាក់អ្នក តែទាំងពីរគឺមានផលអវិជ្ជមានយ៉ាងខ្លាំង។ ការបែកបាក់ជាមួយមិត្តសម្លាញ់គឺមានការឈឺចាប់ជាងជាមួយសង្សារទៅទៀត ពីព្រោះមិត្តសម្លាញ់គឺជាមនុស្សសំខាន់ក្នុងជីវិតរបស់អ្នក ជាមនុស្សដែលអ្នកអាចពិភាក្សារឿងគ្រប់យ៉ាងដោយមិនមានការលាក់បាំង ជាពិសេសនោះគេគឺជាមនុស្សតែម្នាក់ដែលអាចជួយផ្តល់យោបល់ ជាអ្នកស្តាប់ ជាអ្នកកំដរពេលដែលអ្នកបែកបាក់ជាមួយសង្សារ។

ដឹងច្បាស់ថាវាពិតជាពិបាក តែបើអ្នកឈានដល់ចំណុចនេះ ព្យាយាមធ្វើរឿងទាំងនេះ អាចនឹងជួយដោះស្រាយបានផង និងដើម្បីកាត់បន្ថយការឈឺចាប់របស់អ្នកបានផង ហើយអាចបន្តដើរទៅមុខដោយខ្លួនឯង៖

• ទុកពេលពេលវេលាឲ្យគ្នាទៅវិញទៅមកឲ្យបានយូរ ធម្មតាទេមិត្តភក្តិ ឈ្លោះត្រូវៗ
• មុនឈានដល់ទីបញ្ចប់ ព្យាយាមដោះស្រាយ លើកលែង អភ័យទោសឲ្យគ្នា ឲ្យអស់ពីសមត្ថភាពសិន និងកុំឲ្យសោះការរង់ចាំពាក្យសុំទោសពីនរណាម្នាក់មុននោះ
• ត្រូវទទូលស្គាល់ថាមនុស្សក្នុងឆាកជីវិតរបស់អ្នកមានចេញ មានចូល
• ចៀសវាងការបន្ទោសលើនរណាម្នាក់ ពីព្រោះវានឹងធ្វើបាបចិត្តអ្នកខ្លាំងណាស់ទៅថ្ងៃមុខ ឬមួយជីវិត
• កុំបញ្ចប់វាដោយឲ្យមានភាពរកាំរកូសទៅលើមិត្តភក្តិទាំងអស់ដោយសារតែរឿងអ្នកទាំងពីរ

ត្រូវចាំថាកុំក្លាយជាមនុស្សត្រចៀកស តែប្រឈមមុខនឹងគ្នា ហើយដោះស្រាយដោយសន្តិវិធី និងត្រូវគិតចំពោះរឿងល្អៗដែលអ្នកទាំងពីរបានធ្វើ បានឆ្លងកាត់ និងកុំព្យាយាមបង្កើតមិត្តសម្លាញ់ថ្មីលឿនពេក។

ប្រភពរូបភាព៖ Pexels, Freepik

ចុចអានបន្ត៖

• រឿងដែលមនុស្សស្រីជោគជ័យតែងតែធ្វើជាប្រចាំ
• វិធីក្នុងការប្រឈមមុខនឹងមនុស្សឈ្លើយ