មនុស្សមួយចំនួនធំកំពុងតែមានបញ្ហាដូចៗគ្នាទៅលើការគេង ពេលភ្ញាក់ឡើងមានអាការអស់កម្លាំងខ្លាំង នៅតែមានអារម្មណ៍ងងុយគេងក្នុងអំឡុងពេលថ្ងៃ ឬក៏ស្ងាបសឹងតែគ្រប់ពេល។ បញ្ហានេះបណ្តាលមកពីកត្តាជាច្រើនដូចជា ការធ្វើដំណើរនឿយហត់ ស្រ្តេស ទម្លាប់គេងមិនទៀងទាត់ របបអាហារ និងបញ្ហាជាចម្បងនោះគឺមកពីសុខភាពតែម្តង។

ប្រសិនបើលោកអ្នកមានអាការងងុយគេងក្នុងអំឡុងពេលថ្ងៃ ពេលធ្វើការ ម៉ោងសិក្សា បើកបរ ពេលមើលទូរទស្សន៍ ឬក៏អានសៀវភៅនោះ វាបញ្ជាក់ថាអ្នកកំពុងតែមានបញ្ហាសុខភាពគេងហើយ។

អនុវត្តតាមវិធីទាំងនេះនឹងអាចជួយបាន៖

• ត្រូវមានម៉ោងចូលគេង និងម៉ោងក្រោកពីគេងឲ្យបានទៀងទាត់
• កុំទម្លាប់គេងពេលថ្ងៃ ជាពិសេសបន្ទាប់ពីម៉ោង ៣ រសៀលឡើងទៅ
• ព្យាយាមផឹកទឹក និងសារធាតុរាវឲ្យបានច្រើន (ចៀសវាងជាតិកាហ្វេអ៊ីន)
• តែងតែញ៉ាំអាហារពេលព្រឹកជានិច្ច (ទោះបីតិចក៏ដោយ)
• ញ៉ាំប្រភេទបន្លែផ្លែឈើឲ្យបានច្រើន ហើយចៀសវាងកុំញ៉ាំអាហារសម្រន់ ២ ម៉ោងមុនពេលចូលគេង

ប្រសិនបើអ្នកនៅតែមិនអាចគេងបានទៀត ព្យាយាមស្តាប់ការនិទាន ឬសម្លេងតន្រ្តី និងបើសម្លេងតិចៗវានឹងអាចជួយអ្នកឲ្យឆាប់គេងលក់។ ហើយប្រសិនបើវិធីទាំងអស់នេះនូវតែមិនអាចជួយបាន អ្នកគួរតែពិគ្រោះជាមួយគ្រូពេទ្យពីបញ្ហារបស់អ្នក៕

រូបភាព៖ Pexels

អានបន្ត៖

• អត្ថប្រយោជន៍សុខភាពជាច្រើនពីការញ៉ាំផ្លែប៉ោមជាប្រចាំ
• អត្ថប្រយោជន៍ខ្ពស់បំផុតពីស៊ុតមាន់ស្ងោរ