អ្នកប្រាកដជាដឹងខ្លួនឯងហើយថាពេលអ្នក crush នរណាម្នាក់នោះអ្នកនឹងបញ្ចេញសកម្មភាព ឬកាយវិការអ្វីមួយ។ ប៉ុន្តែមិនហ៊ាននិយាយនៅឡើយទេពីព្រោះអ្នកភ័យខ្លាចថាគេមិនចាប់អារម្មណ៍អ្នក ដូចដែលអ្នកមានទៅលើគេ។ ពេលខ្លះអ្នកអាចនឹងប៉ាន់ស្មានខុសដោយសារតែមនុស្សម្នាក់នោះមានបុគ្គលិកលក្ខណៈសម្បត្តិ និងធ្វើអ្វីល្អៗពេកចំពោះអ្នក។ វាពិបាកនឹងប្រាប់ណាស់ថាគេនោះស្រឡាញ់អ្នកជាលក្ខណៈសង្សារ ឬជាមិត្តសម្លាញ់តែប៉ុណ្ណោះ។

ដោយការមើលទៅលើចំណុចទាំងនេះអ្នកអាចប្រាកដថាគេនោះបានលួចស្រឡាញ់អ្នកហើយ៖

• សម្លឹងមើលអ្នកដោយក្រសែភ្នែកស្រទន់
• ញញឹម និងតែងតែសប្បាយរីករាយជានិច្ចពេលដែលមានអ្នកនៅជិត
• តែងតែរក្សាការសន្យាជានិច្ច និងចងចាំអ្វីទាំងអស់ដែលអ្នកបានរាយរាប់ប្រាប់
• ព្យាយាមរកលេសគ្រប់យ៉ាងដើម្បីបាននៅជាមួយអ្នក
• ការពារអ្នកនៅមុខគេឯង និងព្យាយាមធ្វើឲ្យអ្នកសប្បាយចិត្តរហូត
• ការនិយាយស្តីនឹងកាយវិការរបស់គេពេលនៅជាមួយអ្នកខុសប្លែកទាំងស្រុងពេលនៅជាមួយមិត្តភក្តិរបស់គេ
• ណែនាំអ្នកឲ្យស្គាល់ពីមនុស្សសំខាន់ៗដែលមានក្នុងជីវិតរបស់គេ
• មានការប្រចណ្ឌខ្លាំងពេលមានអ្នកផ្សេងញ៉ែអ្នក មិនថានៅខាងក្រៅ ឬក៏ក្នុងបណ្តាញសង្គមឡើយ
• មិនថាគេនោះរវល់យ៉ាងណាទេ គេអាចលះបង់ចោលដើម្បីមានពេលសម្រាប់អ្នក

វាពិបាកខ្លាំងណាស់នៅពេលចង់ដឹងឲ្យច្បាស់ថា តើនរណាម្នាក់ស្រឡាញ់អ្នក ជាពិសេសនៅពេលដែលពួកគេមិនបានបង្ហាញវាឲ្យច្បាស់លាស់នោះ។ ពេលខ្លះមនុស្សម្នាក់នោះស្រឡាញ់អ្នកយ៉ាងពិតប្រាកដណាស់ តែគេមានផលវិបាកក្នុងការបញ្ចេញប្រាប់អ្នកឲ្យដឹង ប៉ុន្តែពួកគេនឹងបង្ហាញអ្នកតាមវិធីដែលបានរៀបរាប់ប្រាប់ខាងលើនេះ៕

រូបភាព៖ Pexels, Pixabay, Pinterest

អានបន្ត៖

• វិធីដ៏ល្អក្នុងការសុំបែកគ្នាជាមួយនរណាម្នាក់
• រឿងដែលត្រូវធ្វើបើសង្ស័យ ឬដឹងថាដៃគូមានស្រី