៣ ទម្លាប់ពេលល្ងាចជួយអ្នករក្សាយុវភាពយូរអង្វែង រស់បានយូរនិងមានថាមពល

2020-07-09 08:35:00
ចំនួនមតិ 0 | ចំនួនចែករំលែក 0

ប្រសិនបើអ្នកទម្លាប់ដោយវិធី៣យ៉ាងខាងក្រោមនេះ អ្នកនឹងទទួលបានថាមពល រក្សាបាននូវសុខភាពស្បែកស្អាត ព្រមទាំងការពារមិនឲ្យកើតជំងឺផ្សេងៗ។

១. ផឹកទឹកមួយកែវមុនហូបបាយ

មុនបាយល្ងាច អ្នកគួរតែផឹកទឹកមួយកែវ ព្រោះវិធីនេះនឹងជួយឲ្យអ្នកមានអារម្មណ៍ឆ្អែត ដោយមិនស្រវាម្ហូបអាហារច្រើនលើសកម្រិត និងកំណត់កាឡូរីពីគ្រឿងផ្សំរបស់អាហារបាន។ វាជាវិធីសាស្រ្តដ៏ឆ្លាតវៃជួយអ្នកមិនឲ្យឡើងគីឡូបានលឿនផងដែរ។ បន្ថែមពីនេះ ការទទួលទានអាហារច្រើនពេកនៅពេលយប់ វាជះឥទ្ធិពលមិនល្អដល់តម្រងនោមនិងថ្លើមរបស់អ្នក។

២. កុំហូបប្រញាប់

រឿងដ៏សាមញ្ញមួយដែលជួយអ្នកឲ្យបំពេញថាមពលបានលឿនដល់រាងកាយគឺ អ្នកគួរតែទំពារអាហារកុំប្រញាប់។ ទំពារអាហារមួយៗ ក៏ល្អផងដែរសម្រាប់ប្រព័ន្ធរំលាយអាហារ ធ្វើឲ្យក្រពះរបស់អ្នកដំណើរការបានល្អថែមទៀត។ ដូច្នេះ ប្រសិនបើអ្នកចង់ស្រកគីឡូ ត្រូវទំពារអាហារឲ្យយឺតៗ។

៣. ចូលគេងឲ្យបានមុនម៉ោង ១១យប់

ប្រសិនបើអ្នកពិតជាចង់មានសុខភាពស្បែកល្អ និងមិនឡើងគីឡូ គួរអនុវត្តវិធីសាមញ្ញប្រចាំថ្ងៃដោយការចូលគេងឲ្យបានមុនម៉ោង ១១យប់។ ទោះបីនេះជាវិធីធម្មតាក៏ដោយ តែមនុស្ស៨០% ដែលពិបាកនឹងអាចធ្វើបានទៅវិញ។

យោងតាមអ្នកជំនាញ ម៉ោងចន្លោះ ១០-១១ ជាពេលវេលាល្អបំផុតក្នុងការគេង។ វាជួយឲ្យស្បែករបស់អ្នកកាន់តែស្អាតមួយកម្រិត ដែលនេះជាអាថ៌កំបាំងទាក់ទងនឹងអ័រម៉ូនការពារជំងឺ។ នៅពេលអ្នកចូលគេងយឺត វានឹងបណ្ដាលឲ្យអរម៉ូនកូទីសូលកើនឡើង ដែលជះឥទ្ធិពលអវិជ្ជមានដល់ស្បែក និងកោសិកា ព្រមទាំងបង្កើនភាពតានតឹងអស់កម្លាំង មិនអាចធ្វើការមានប្រសិទ្ធភាពបាន៕

ប្រភព៖ Phunutoday ប្រែសម្រួល៖ លឹម សុនា