តោះ! រើសរូបមេដៃរបស់អ្នក ដើម្បីស្វែងយល់ថាអ្នកជាមនុស្សបែបណា

2020-06-16 06:40:00
ចំនួនមតិ 0 | ចំនួនចែករំលែក 0

ស្ទើរតែមិនគួរឲ្យជឿថា ត្រឹមរាងមេដៃរបស់មនុស្សម្នាក់ៗអាចបង្ហាញពីអត្តចរិតរបស់ពួកគេបានយ៉ាងច្បាស់។ ជាធម្មតា នៅពេលលើកមេដៃឡើង អ្នកខ្លះអាចមានមេដៃរាងត្រង់ និង អ្នកខ្លះរាងកោងហើយភាពខុសគ្នានេះសុទ្ធតែមានអត្ថន័យបង្កប់របស់វា។ ដើម្បីដឹងច្បាស់ថាអ្នកជាមនុស្សប្រភេទបែបណា ចូររើសរូប A ឬ B រួចអាននូវការរៀបរាប់នូវបុគ្គលិកលក្ខណៈរបស់អ្នកតាមរូបភាពដែលបានរើសរួច៖

រូបតំណាង

- **បើអ្នកជ្រើសរើស A៖** បើអ្នកមានរាងមេដៃត្រង់ហើយបញ្ឆិតដូចក្នុងរូប A នោះអ្នកជាមនុស្សដែលម៉ឺងម៉ាត់ជាងអ្នកដទៃ ហើយពេលខ្លះទៀត អ្នកងាយនឹងឆេវឆាវ និង មួម៉ៅច្រើន។ បន្ថែមពីនេះ អ្នកជាមនុស្សដែលចូលចិត្តលាក់អារម្មណ៍ពិតនៅក្នុងចិត្ត ហើយមិនងាយបង្ហើប ឬ រៀបរាប់ប្រាប់ពីទុក្ខលំបាករបស់ខ្លួនឡើយ សូម្បីតែជាមួយមនុស្សជិតស្និទ្ធក៏ដោយ។ អ្វីដែលសំខាន់ជាងគេក្នុងជីវិតអ្នកគឺសេចក្ដីសុខក្នុងការរស់នៅ ជាហេតុធ្វើឲ្យអ្នកស្រឡាញ់សុខភាព និង មនុស្សជុំវិញខ្លួនជាខ្លាំង។

រូបតំណាង

បើអ្នកជ្រើសរើស B៖ បើអ្នកមានរាងមេដៃកោងដូចក្នុងរូប B នោះវាបង្ហាញថាអ្នកជាមនុស្សដែលតែងតែចែករំលែក ក៏ដូចជាបញ្ចេញអារម្មណ៍របស់ខ្លួនទៅខាងក្រៅ និង មនុស្សជុំវិញខ្លួន។ លើសពីនេះ អ្នកតែងលើកយកនូវគំនិតល្អៗ និងសប្បាយៗជាមួយអ្នកដទៃ ដោយគ្មានការស្ទាក់ស្ទើរឡើយ។ យ៉ាងណាមិញ អ្នកតែងបារម្ភពីការមើលឃើញរបស់អ្នកដទៃមកកាន់ខ្លួន ជាពិសេសគឺផ្នែករូបរាងតែម្ដង។ ដូច្នេះហើយ វាធ្វើឲ្យអ្នកតែងចំណាយពេលយូរក្នុងការតុបតែងខ្លួន មុនចេញទៅក្រៅម្ដងៗ៕