គន្លឹះ​សម្ងាត់ ៣ ​យ៉ាង​ក្នុង​ការ​ញ៉ាំ​​ពេល​យប់​កុំ​ឲ្យ​ឡើង​គីឡូ​ ស្រីៗ​គួរ​ដឹង!

  • 2020-06-08 08:15:00
  • ចំនួនមតិ 0 | ចំនួនចែករំលែក 0

អ្នក​ណា​ខ្លះ​ចូល​ចិត្ត​ឃ្លាន​នៅ​ពេល​យប់ តែ​មិន​ហ៊ាន​ញ៉ាំ​ព្រោះ​ខ្លាច​ឡើង​គីឡូ​ឬ​ខូច​រាង​? សម្រាប់​បុរសៗ​ប្រហែល​ជា​ពួក​គេ​មិន​សូវ​បារម្ភ​រឿង​នេះ​ប៉ុន្មាន​ទេ តែ​សម្រាប់​នារីៗ​វា​ជា​បញ្ហា​មួយ​ដែល​ពួក​គេ​មិន​ចង់​ឲ្យ​កើត​ឡើង​នោះ​ទេ បើ​ញ៉ាំ​យប់​ញឹកញាប់​ពេក ច្បាស់​ជា​គីឡូ​ឡើង​ជា​លំដាប់​ដោយ​មិន​ដឹង​ខ្លួន​ជា​មិន​ខាន។ ដូចនេះ បើ​មិន​ចង់​ឲ្យ​ចេះ​តែ​ឃ្លាន​ពេល​យប់​ ដែល​ងាយ​នាំ​ឲ្យ​ខូច​រាង​ទេ គួរ​ដឹង​ពី​គន្លឹះ ៣ យ៉ាង​នេះ៖

១. ញ៉ាំ​ឲ្យ​គ្រប់​កាឡូរី​មុន​ចូល​គេង

រូបតំណាង

តិចនិក​នេះ​ពិត​ជា​សំខាន់​ណាស់​សម្រាប់​មិត្ត​នារី​ដែល​ចូលចិត្ត​ឃ្លាន​ឬ​កូរ​ពោះ​តែ​ពេល​យប់​ រៀប​ចូល​គេង។ ដើម្បី​កុំ​ឲ្យ​ឆាប់​ឃ្លាន​ដែល​ជា​ការ​រំខាន​នៅ​ពេល​យប់ អ្នក​គួរ​បរិភោគ​អាហារ​ឲ្យ​បាន​គ្រប់​គ្រាន់​ និង​សម​ល្មម​សម្រាប់​រាង​កាយ​ នៅ​ពេល​ថ្ងៃ។ រី​ឯ​សម្រាប់​អាហារ​ពេល​ល្ងាច​ អាច​បរិភោគ​ក្នុង​បរិមាណ​សម​ស្រប​ជា​ការ​ស្រេច កុំ​ញ៉ាំ​ច្រើន​ជ្រុល​ធ្វើ​ឲ្យ​ហើម​ពោះ​នៅ​ពេល​យប់។

២. កំណត់​របប​អាហារ​ឲ្យ​បាន​ត្រឹម​ត្រូវ

រូបតំណាង

ក្នុង​ករណី​អ្នក​តែង​តែ​ញ៉ាំ​អាហារ​នៅ​ពេល​យប់ គប្បី​កំណត់​ការ​ញ៉ាំ​ក្នុង​បរិមាណ​សមស្រប មិន​ច្រើន​ពេក​ ជៀស​វាង​ការ​ឡើង​គីឡូ​ដោយ​មិន​ដឹង​ខ្លួន​។ អ្នក​អាច​ផ្លាស់​ប្ដូរ​ពី​ការ​ញ៉ាំ​ឲ្យ​ឆ្អែត​ជ្រុល​នៅ​ពេល​ល្ងាច​ ហើយ​បន្ថែម​នូវ​ការ​ញ៉ាំ​ផ្លែ​ឈើ​វិញ​ផង​ដែរ។​

៣. ញ៉ាំ​អាហារ​​យ៉ាង​តិច​ឲ្យ​បាន​ ​៣ ម៉ោង​មុន​ចូល​គេង

រូបតំណាង

ទោះ​ជា​រវល់​យ៉ាង​ណា​ក្ដី​ អ្នក​គួរ​ឆ្លៀត​ពេល​ញ៉ាំ​អាហារ​ពេល​ល្ងាច​ឲ្យ​បាន​​យ៉ាង​ហោច​ណាស់​ ៣ ម៉ោង​មុន​ចូល​គេង ព្រោះ​ធ្វើ​បែប​នេះ​ប្រព័ន្ធ​រំលាយ​អាហារ​អ្នក​មាន​ពេល​វេលា​គ្រប់​គ្រាន់​ក្នុង​ការ​រំលាយ​អាហារ​ដែល​អ្នក​បាន​បរិភោគ​រួច​ជា​មុន​សិន។​ ដូច្នេះ មិន​មែន​រាល់​ការ​ញ៉ាំ​អាហារ​ពេល​យប់​គឺ​ច្បាស់​ថា​ធ្វើ​ឲ្យ​អ្នក​ធាត់ ១០០% នោះ​ទេ បើ​អ្នក​ញ៉ាំ​ឲ្យ​ត្រូវ​ក្បួន​ និង តិចនិក​សម្ងាត់​ទាំង​នេះ៕​​

ចុចអានបន្ត៖

ប្រភព៖ Sanook ប្រែ​សម្រួល៖ Siyou Tang

អត្ថបទពេញនិយម