៥​ ក្បាច់​ជួយ​ឲ្យ​ដើម​ដៃ​តូច​ហើយ​តឹង​ណែន អាច​ពាក់​អាវ​ដៃ​តូច​ដោយ​ជឿជាក់

  • 2020-06-03 04:40:00
  • ចំនួនមតិ 0 | ចំនួនចែករំលែក 0

នារី​ៗ​ច្បាស់​ជា​យល់​អារម្មណ៍​មួយ​នេះ​ហើយ។ មាន​ដើម​ដៃ​ធំ​ពិត​ជា​ពិបាក​ក្នុង​ការ​ស្លៀកពាក់​ខ្លាំង​ណាស់ ព្រោះ​គ្មាន​ទំនុក​ចិត្ត​លើ​​ខ្លួន​ឯង។ ដូច្នេះ កញ្ញា​សុំ​ចែក​រំលែក​នូវ​ក្បាច់​ហាត់​ដៃ​ចំនួន​ ៥ ដែល​ជួយ​ឲ្យ​ដៃ​អ្នក​តូច​ ស្រឡូន និង​តឹង​ណែន​ ដើម្បី​សាង​ទំនុក​ចិត្ត​ឡើង​វិញ។ លើស​ពី​នេះ ក្បាច់​ទាំង​នេះ​មិន​តម្រូវ​ឲ្យ​អ្នក​ចំណាយ​ពេល​យូរ​ឡើយ គឺ​ត្រឹម​ ១០​នាទី​ក្នុង​១​ថ្ងៃ អ្នក​នឹង​អាច​ចាប់​ផ្ដើម​ឃើញ​នូវ​ប្រសិទ្ធភាព​របស់​វា​បន្តិច​ម្ដងៗ​។

១. ក្បាច់​កម្ដៅ​សាច់​ដុំ

មុន​នឹង​ហាត់​ក្បាច់​ដទៃ​ទៀត ពី​ដំបូង​អ្នក​ត្រូវ​កម្ដៅ​សាច់​ដុំ​ជា​មុន​សិន​ចៀសវាង​ជួប​ប្រទះ​នូវ​បញ្ហា​ស្ពឹក​សាច់ដុំ​ស្រប​ពេល​កំពុង​ហាត់។ ជា​ដំបូង បោះ​ដៃ​ឆ្វេង​ទៅ​ខ្នង​ក្រោយ​រួច​បោះ​ដៃ​ស្ដាំ​រំលង​ស្មា​ទៅ​ក្រោយ រួច​ចាប់​ចុង​ម្រាម​ដៃ​ទាំង​ពីរ​ចូល​គ្នា (ដូច​ក្នុង​រូប)។ អ្នក​អាច​ទប់​វា​ឲ្យ​ជាប់​ប្រមាណ ៣០ វិនាទី រួច​ប្ដូរ​ទៅ​ម្ខាង​ទៀត។ ​

២. ក្បាច់​បើក​បិទ​ដៃ

លើ​ដៃ​ទាំង​ពីរ​ឡើង​លើ​ រួច​បត់​កែង​ដៃ​ប្រមាណ ៩០ដឺក្រេ។ បន្ទាប់​មក​ផ្គុំ​កែង​ដៃ​ទាំង​ពីរ​ចូល​គ្នា រួច​បើក​វា​ចេញ​មក​ក្រៅ ហើយ​បិទ​ទៅ​វិញ។ ធ្វើ​ចលនា​បែប​នេះ​ចុះ​ឡើង​ប្រមាណ ៣០ ដង សម្រាក​២០​វិនាទី រួច​ធ្វើ​ ៦០​ដង​ទៀត។

៣. ក្បាច់​ពន្លាត​ដៃ និង ឆ្អឹង​ខ្នង

យក​ដៃ​ស្ដាំ​បោះ​ទៅ​ក្រោយ​ប៉ះ​ផ្នែក​ខាង​ក្រោម​នៃ​ក រួច​យក​ដៃ​ឆ្វេង​បោះ​មក​ចំហៀង​ខ្លួន​ ហើយ​ប្ដូរ​ចុះ​ឡើង​ទាំង​សង​ខាង​ប្រមាណ ៣០ វិនាទី រួច ធ្វើ​ឡើង​វិញ ៣ ដង (៩០វិនាទី) ទៀត។

៤. ក្បាច់​សង្កត់​ដៃ

ក្បាច់​នេះ​មាន​ភាព​ងាយ​ស្រួល​មែន​ទែន គឺ​អ្នក​គ្រាន់​តែ​បោះ​ដៃ​ស្ដាំ​ទៅ​ចំហៀង​ខ្លួន​ខាង​ឆ្វេង ហើយ​យក​ដៃ​ឆ្វេង​កៀប​សង្កត់​ពី​ក្រោម​ ហើយ​ទប់​វា​ឲ្យ​ជាប់​ប្រមាណ ៣០ វិនាទី។ បន្ទាប់​មក​អ្នក​អាច​ប្ដូរ​ទៅ​មួយ​ចំហៀង​ទៀត​ដោយ​អនុវត្ត​ក្បាច់​ដដែល។ ធ្វើ​ក្បាច់​នេះ​ចុះ​ឡើង​ឲ្យ​បាន ៣ ដង (៩០​វិនាទី)។

៥. ​ក្បាច់​ពន្លា​សាច់​ដុំ

ជា​ធម្មតា ក្រោយ​ធ្វើ​ការ​ហាត់​ប៉ុន្មាន​ក្បាច់​ខាង​លើ​រួច អ្នក​អាច​នឹង​មាន​អារម្មណ៍​តឹង​ណែន និង​ ចុក​ចាប់​​ផ្នែក​ដើម​ដៃ​និង​ស្មា​ជាដើម។ ដូច្នេះ អ្នក​អាច​អនុវត្ត​ក្បាច់​ចុង​ក្រោយ​ដែល​ជា​ក្បាច់​ពន្លា​សាច់​ដុំ​មក​វិញ បំបាត់​ការ​ហើម ឬ​ឈឺ​ចុកចាប់​នៃ​សាច់​ដុំ ដោយ​គ្រាន់​តែ​បោះ​ដៃ​ឆ្វេង​រំលង​ស្មា​ទៅ​ប៉ះ​ផ្នែក​ខាង​លើ​នៃ​ខ្នង រួច​ដៃ​ស្ដាំ​ចាំ​សង្កាត់​ពី​លើ ហើយ​ទប់​ឲ្យ​ជាប់ ​ពី​៣០​ទៅ​៦០​វិនាទី បន្ទាប់​មក​ប្ដូរ​ទៅ​ដៃ​ម្ខាង​ទៀត​ជា​ការ​ស្រេច៕ ​​

ចុចអានបន្ត៖ អាហារ ​៦មុខ គួរ​កាត់​បន្ថយ បើមិនចង់ឲ្យ​​ជើង​រីក​​ធំ​ទៅៗ​ដោយ​មិន​ដឹង​ខ្លួន

ប្រភព៖ akerufeed ប្រែ​សម្រួល៖ Siyou Tang

អត្ថបទពេញនិយម