ស្រីៗមាន ៧ ចំណុចនេះ មិនខ្វះទេបុរសល្អៗ ដែលប្រាថ្នាចង់បានជាដៃគូ

2020-05-25 04:15:00
ចំនួនមតិ 0 | ចំនួនចែករំលែក 0

ជាទូទៅ មនុស្សស្រីដែលមានសម្រស់ស្អាតគឺមានភាពទាក់ទាញណាស់មែនទេ? យ៉ាងណាមិញ វាគ្រាន់តែជាមួយផ្នែកតូចប៉ុណ្ណោះ ក្នុងក្រសែភ្នែកមនុស្សប្រុសល្អពិតប្រាកដ។ ប្រភេទមនុស្សស្រីដែលពួកគេប្រាថ្នាចង់បានគឺមិនផ្អែកលើតែរូបសម្បត្តិតែមួយមុខនោះទេ ពោលគឺបើនារីមានត្រឹម ៧ចំណុចនេះគឺបុរសល្អៗនឹងចូលមកជីវិតអ្នកជាមិនខាន៖

រូបតំណាង

**១. ចេះមើលថែខ្លួនឯង៖** មុននឹងចង់ឲ្យនរណាម្នាក់មកស្រឡាញ់អ្នក អ្នកចាំបាច់ត្រូវចេះស្រឡាញ់ និង ថែទាំខ្លួនឯងឲ្យបានល្អជាមុនសិន។ នៅពេលដែលនារីចេះធ្វើរឿងទាំងនេះ នោះអ្នកមិនចាំបាច់ស្វែងរកមនុស្សដែលល្អត្រឹមត្រូវនោះទេ ពួកគេនឹងមករកអ្នកដោយខ្លួនឯងជាក់ជាមិនខាន។

២. មានភាពឯករាជ្យ៖ បច្ចុប្បន្ន បុរសច្រើនឲ្យតម្លៃទៅលើប្រភេទនារីដែលមានម្ចាស់ការលើខ្លួនឯង ព្រមទាំងមានភាពឯករាជ្យក្នុងខ្លួន។ នារីដែលចេះធ្វើអ្វីៗដោយខ្លួនឯង ដោយមិនបាច់ពឹងពាក់លើនរណា ច្រើនមានភាពទាក់ទាញខ្លាំងក្នុងខ្សែភ្នែកមនុស្សប្រុសដោយមិនដឹងខ្លួន។

រូបតំណាង

៣. ចរិតល្អ៖ ក្រៅតែពីភាពស្អាតបាតនៅផ្នែកខាងក្រៅ នារីគប្បីគួររៀបចំចិត្តគំនិត និង ឥរិយាបថខ្លួនឲ្យបានសមរម្យផងដែរ។ ការបញ្ចេញនូវភាពរម្យទមតាមរយៈពាក្យសម្ដី និង អាកប្បកិរិយា ពិតជះឥទ្ធិពលដល់បេះដូងមនុស្សប្រុស និង ធ្វើឲ្យពួកគេលួចចាប់ចិត្តលើអ្នកយ៉ាងលឿនដោយចាំយូរ។

៤. ចេះរកចំណូលដោយខ្លួនឯង៖ បុរសមួយចំនួនធំមិនដែលហ៊ាននិយាយនោះទេ តែក្នុងចិត្តពួកគេច្រើនប្រាថ្នាមនុស្សស្រីដែលមានភាពឯករាជ្យលើការរកចំណូលចូលគ្រួសារផងដែរ ទោះក្នុងចំនួនតិចតួចក្ដី។ នារីដែលមានទំនុកចិត្តលើខ្លួនឯង មានគំនិតរកស៊ី ឬ ធ្វើការដើម្បីជួយសម្រាលបន្ទុករបស់ស្វាមី សុទ្ធសឹងជានារីក្នុងក្ដីស្រមៃរបស់បុរសគ្រប់រូបហើយ។

រូបតំណាង

៥. ធ្វើជាខ្លួនឯង៖ ភាពស្រស់ស្អាតរបស់មនុស្សស្រីគឺផ្អែកលើការធ្វើជាខ្លួនឯងពិតប្រាកដ មិនប្រឹងសម្ដែងដើម្បីនរណាម្នាក់ឡើយ។ បុរសដែលល្អពិតប្រាកដ នឹងទទួលយកអ្នកជាអ្នក ដោយមិនតម្រូវឲ្យអ្នកខំធ្វើខ្លួនដូចអ្នកផ្សេងឡើយ ពោលគឺគេចូលចិត្តមនុស្សស្រីដែលធ្វើអ្វីៗចេញពីបេះដូងយ៉ាងពិតប្រាកដ។ ដូច្នេះហើយ បើគេបានជួបមនុស្សស្រីបែបនេះ គេនឹងមិនអាចមើលរំលងឡើយ។

៦. មានភាពស្រស់ស្រាយ៖ មនុស្សស្រីមានភាពរួសរាយរាក់ទាក់ និង ឧស្សាហ៍ញញឹមទៅកាន់មនុស្សជុំវិញខ្លួន គឺជាប្រភេទមនុស្សស្រីដែលបុរសៗចូលចិត្ត និង ងាយលង់ចិត្តស្រឡាញ់ខ្លាំង។ ស្នាមញញឹមគឺជាមន្តស្នេហ៍ដ៏អស្ចារ្យដែលអាចធ្វើឲ្យអ្នកដទៃចូលមកជិតអ្នកដោយមិនដឹងខ្លួន។

រូបតំណាង

៧. ចេះគិតគូពីអ្នកដទៃ៖ ការរស់នៅចាំបាច់តម្រូវឲ្យអ្នកចេះគិតគូដល់មនុស្សជុំវិញខ្លួនអ្នក និងអ្នកដទៃខ្លះផង មិនមែនគិតតែពីខ្លួនឯងម្នាក់នោះឡើយ។ ភាពទាក់ទាញរបស់មនុស្សស្រីគឺស្ថិតនៅលើចិត្តគំនិតនេះឯង ហើយវាជាលក្ខណៈសម្បត្តិមួយដែលងាយឆក់យកបេះដូងរបស់មនុស្សប្រុសក្នុងរយៈពេលខ្លីបំផុត។ ដូច្នេះ បន្ថែមពីលើការយកចិត្តទុកដាក់នឹងខ្លួនឯង នារីក៏គួរមានចិត្តស្រឡាញ់ រាប់អាន និងគិតគូពីគេឯងផងដែរ៕

ចុចអានបន្ត៖

ប្រភព៖ Spiceee ប្រែសម្រួល៖ Siyou Tang