មកដឹងវិធីធ្វើម៉ាសផ្កាស្មៅធម្មជាតិ ជួយបឺតជាតិពុល ធ្វើឲ្យមុខស បំបាត់មុន
- 2020-05-21 04:30:00
- ចំនួនមតិ 0 | ចំនួនចែករំលែក 0
មកដឹងវិធីធ្វើម៉ាសផ្កាស្មៅធម្មជាតិ ជួយបឺតជាតិពុល ធ្វើឲ្យមុខស បំបាត់មុន
មិត្តនារីៗមួយចំនួនធំប្រហែលជាធ្លាប់បានស្គាល់នូវប្រភេទម៉ាសធម្មជាតិផ្សំពីផ្កាស្មៅ និង អត្ថប្រយោជន៍ដ៏សម្បូរបែបរបស់វាជាក់ជាមិនខាន។ សម្រាប់អ្នកដែលមិនទាន់បានជ្រាប ម៉ាសផ្កាស្មៅត្រូវបានគេប្រើប្រាស់ជាប្រចាំជាតិចនិកថែទាំសម្រស់ ដើម្បីទទួលបាននូវផ្ទៃមុខឲ្យស្រស់ស្អាត និង គ្មានមុន។
ម៉ាសនេះ មានគុណប្រយោជន៍ជួយស្រូបយកជាតិពុលចេញពីស្បែក ធ្វើឲ្យស្បែកមានសភាពសភ្លឺថ្លា និង ជួយបំបាត់មុន ព្រមទាំងស្នាមមុនយ៉ាងមានប្រសិទ្ធភាព។ លើសពីនេះ គេច្រើនប្រើវាក្រោយពេលញេចមុនរួច ព្រោះវាមាននាទីជួយបំបាត់សភាពហើមនៃស្បែក និង បំបាត់កន្ទួលក្រហមនៅលើផ្ទៃមុខផងដែរ។ តោះ! មកដឹងវិធីងាយៗក្នុងការធ្វើម៉ាសផ្កាស្មៅសម្រាប់បិទជាប្រចាំនៅផ្ទះ៖
គ្រឿងផ្សំ៖
ល្ហុងទុំ ១ ចំណិត (ដាក់ក៏បាន អត់ក៏បាន)
ទឹកដោះគោឆៅ ១ កំប៉ុង
ផ្កាស្មៅ កន្លះកូនចានចង្កឹះ
វិធីធ្វើ
១. ចិញ្ច្រាំសាច់ល្ហុងឲ្យម៉ដ្ឋ រហូតដល់វាចេញទឹក
២. ចាក់ល្ហុងដែលចិញ្ច្រាំរួច (ទាំងទឹក និង កាក) ចូលទៅក្នុងចានផ្កាស្មៅ បន្ទាប់មកចាក់ទឹកដោះគោឆៅចូល រួចលាយឲ្យសព្វ
៣. ច្របាច់គ្រឿងផ្សំទាំង៣ ឲ្យចូលគ្នាសព្វល្អ រហូតទទួលល្បាយខាប់ៗដូចជាដីឥដ្ឋ
វិធីប្រើ
១. លាងមុខឲ្យស្អាតជាមួយទឹកក្ដៅឧណ្ហៗ
២. យកម៉ាសផ្កាស្មៅដែលលាយរួច មកបិទពេញផ្ទៃមុខ រួចទុកចោលប្រមាណ ១៥ ទៅ ២០ នាទី
៣. ពេលម៉ាសមានសភាពស្ងួតល្អហើយ អ្នកមិនចាំបាច់លាងចេញនឹងទឹកក៏បានដែរ គឺគ្រាន់បកវាចេញជាការស្រេច៕
ចុចអានបន្ត៖ ងាយៗ! វិធីធ្វើម៉ាសពងមាន់ ជួយបន្តឹងស្បែកមុខ បង្រួមរន្ធញើស និង កម្ចាត់មុនតូចធំ
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
