ហេតុផលដែលអ្នកមិនគួរខ្វល់ជ្រុល លើសម្តីអត់ប្រយោជន៍របស់មនុស្សមួយចំនួន

2020-05-13 07:35:00
ចំនួនមតិ 0 | ចំនួនចែករំលែក 0

ជាញឹកញាប់ ដោយសារតែគិតពេកពីសម្ដីអ្នកដទៃ ធ្វើឲ្យមនុស្សជាច្រើនមានអារម្មណ៍ក្រៀមក្រំ។ អ្នកចិត្តវិទូ Liu Tzu និយាយថា បើអ្នកចាំតាមសម្ដីរបស់អ្នកដទៃ អ្នកនឹងក្លាយជាមនុស្សការពារគេរហូត។ ដូច្នេះហើយ ពេលខ្លះ កុំដោយសារតែសម្ដីអត់ប្រយោជន៍របស់មនុស្សមួយចំនួនធ្វើឲ្យអ្នកបាត់អស់ភាពរីករាយ។

១. ជីវិតជារបស់អ្នក មិនមែនជារបស់គេនោះទេ

អ្នកដទៃមានសិទ្ធគិតអ្វីក៏បាន តែចំពោះអ្នកវិញពុំបាច់ខ្វល់ពីគំនិតរបស់ពួកគេនោះទេ ព្រោះជីវិតមួយនេះជាកម្មសិទ្ធរបស់អ្នកផ្ទាល់។

២. ដោយសារពួកគេមិនដែលដឹងពីចំណុចខ្លាំងរបស់អ្នក

តាមពិត អ្នកខ្លួនឯងដឹងច្បាស់ពីចំណុចខ្លាំងរបស់ខ្លួន រីឯអ្នកដទៃវិញមិនដឹង ចេះតែនិយាយនេះនោះតាមតែចិត្តនឹកឃើញពីអ្នក។ ម្ល៉ោះហើយ ពាក្យដែលអត់បានការ អ្នកមិនបាច់យកចិត្តទុកដាក់ច្រើននោះទេ ព្រោះវានឹងសាបសូន្យតាមខ្យល់នៅថ្ងៃណាមួយ ដោយឯកឯង។

៣. គិតច្រើនពីសម្ដីអ្នកដទៃជ្រុល ថ្ងៃណាមួយអ្នកនឹងបាត់បង់ក្ដីស្រមៃខ្លួនឯងចោល

អ្នកធ្លាប់ស្រមៃចង់បានអ្វីមួយមែនទេ ? តែចុងក្រោយ អ្នកក៏សុខចិត្តបោះបង់វាចោល ព្រោះសម្ដីអ្នកដទៃ។ នោះមកពីការបារម្ភជ្រុលពីអ្វីដែលអ្នកដទៃគិតពេក។ អ្នកខំព្យាយាមយ៉ាងខ្លាំងដើម្បីក្ដីស្រមៃនោះ តែបែរជាបោះបង់ចោលទាំងមិនទាន់បានសាកល្បង ។

៤. អ្នកផ្សេងគេមិនបានមកខ្វល់ពីយើងនោះទេ ត្រូវចាំផង

ការពិតដ៏ក្រៀមក្រំមួយ គឺយើងមិនមែនជាម្នាក់ដែលគ្រប់អ្នកដទៃខ្វល់ពីអនាគតយើងខ្លាំងនោះទេ។ ម្ល៉ោះហើយ យើងត្រូវមានទំនោរចាប់អារម្មណ៍លើរឿងរ៉ាវផ្ទាល់ខ្លួនឲ្យបានច្រើនវិញល្អជាង។

៥. ជីវិតមនុស្សខ្លីណាស់ កុំយកចិត្តទុកដាក់លើបញ្ហាទាំងនោះអី

មនុស្សយើងកើតមកមានជីវិតតែម្ដងប៉ុណ្ណោះ បើស្លាប់បាត់គ្រប់យ៉ាងក៏ត្រូវចប់ដែរ។ ហេតុនេះ ជីវិតមនុស្សពិតជាខ្លីណាស់ យើងមិនមានពេលវេលាច្រើនត្រូវយកចិត្តទុកដាក់លើសម្ដីអ្នកដទៃជ្រុលឡើយ។ គួរជឿលើខ្លួនឯងទើបជាការល្អ ។ យើងស្ដាប់អ្នកដទៃនិយាយអ្វីតែពាក្យពិត និងមានប្រយោជន៍បានហើយ ប្រសិនបើអត់ទេ កុំបន្តយកចិត្តទុកដាក់អី៕

អានបន្ត៖ ច្បាស់ៗពីអត្តចរិត និងចំណង់ចំណូលចិត្តរបស់មនុស្សកើតខែឧសភា

ប្រភព៖ gangbeauty ប្រែសម្រួល៖ លឹម សុនា