ច្បាស់ៗពីអត្តចរិត និងចំណង់ចំណូលចិត្តរបស់មនុស្សកើតខែឧសភា

2020-05-06 03:50:00
ចំនួនមតិ 0 | ចំនួនចែករំលែក 0

នៅថ្ងៃនេះ កញ្ញា សូមបង្ហាញពីអត្តចរិតរបស់អ្នកកើតក្នុងខែឧសភា តាមចន្លោះថ្ងៃនីមួយៗ។ ដូច្នេះ សម្រាប់អ្នកកើតខែទី៥នេះ ច្បាស់ជាចង់ដឹងមិនខាន ពីខ្លួនឯង។ តោះ អានខាងក្រោមនេះទាំងអស់គ្នា៖

រូបតំណាង

**១. អ្នកកើតចន្លោះថ្ងៃ១ -៨**

គេជាមនុស្សដែលមិនសូវទាមទារច្រើនឡើយក្នុងជីវិតមួយនេះ។ ពួកគេជឿជាក់លើហេតុផល និងធ្វើសកម្មភាពស្របតាមរឿងទាំងនោះដែរ។ ម្យ៉ាងទៀត មិនមែនឲ្យតែអ្នកដទៃនិយាយអី ពួកគេសុទ្ធតែជឿនោះទេ។ ដូច្នេះហើយ បើសិនអ្នកដទៃចង់ឲ្យក្រុមអ្នកកើតខែឧសភានៅចន្លោះថ្ងៃទាំងនេះ តាមសំដីនោះ គឺមិនងាយស្រួលប៉ុន្មានទេ។

រូបតំណាង

អ្វីដែលពិសេសនោះ ពួកគេជាក្រុមមនុស្សដែលកើតមកជាមួយផ្កាយសំណាង ដែលតែងជួបលាភពីការចាប់ឆ្នោតផ្សងសំណាងជាដើម។ គេក៏ជាមនុស្សដែលអាចសាងកេរ្តិ៍ឈ្មោះសម្រាប់អ្នកដទៃបានទៀតផង ។ បើនិយាយពីចរិតលក្ខណៈវិញ មើលទៅគេហាក់ដូចជាឆាប់ធុញ និងមិនសូវរួសរាយរាក់ទាក់នោះទេ។ មួយវិញទៀត ចំពោះការងារណាដែលចល័តច្រើន គឺជាចំណង់ចំណូលចិត្តរបស់អ្នកកើតខែឧសភានៅចន្លោះថ្ងៃនេះហើយ។ ចំណែកដៃគូជីវិតដ៏សក្កិសមឥតខ្ចោះរបស់ក្រុមមនុស្សនេះ គឺអ្នកកើតចុងខែមីនា និងពាក់កណ្ដាលខែមេសា។

រូបតំណាង

២. អ្នកកើតចន្លោះថ្ងៃ ៩ -១៥

គេជាមនុស្សស្រលាញ់ការដើរលេងកម្សាន្តណាស់ ជាហេតុពេលខ្លះពួកគេហាក់មិននៅស្ងៀមមួយកន្លែង សូម្បីតែផ្ទះនាពេលអនាគតក៏អាចចល័តបានគ្រប់ទិសទីដែរ។ យ៉ាងណាមិញ គេជាមនុស្សមានចិត្តក្ដៅ ម៉ត់ចត់ ឆាប់ជឿគេ និងចិត្តប្រែប្រួលមិនទៀងទាត់។ តែបើនិយាយពីក្តីស្រលាញ់វិញ គឺថាជ្រាលជ្រៅណាស់មិនចំពោះគ្រួសារ ឬស្នេហាឡើយ។

រូបតំណាង

ភាពសំណាងពីកំណើតរបស់ពួកគេ គឺសម្បូរទ្រព្យនិងលុយកាក់។ ជាញឹកញាប់គេផ្សារភ្ជាប់ជីវិតជាមួយធម្មជាតិតាមបែបជនបទស្រែចម្ការ។ ដូច្នេះហើយ បើពួកគេបើកកសិដ្ឋានចិញ្ចឹមសត្វ ឬលក់អាហារ គឺពិតជាល្អណាស់។ ក្រៅពីនេះ គេក៏ជាអ្នកមានទំនួលខុសត្រូវខ្ពស់ក្នុងគ្រួសារ រួមទាំងជាមនុស្សស្រលាញ់វប្បធម៌ និងប្រពៃណីផងដែរ។ គេក៏ជាអ្នកដែលស្រលាញ់កិត្តិនាមថែមទៀត ម្ល៉ោះហើយគេតែងធ្វើអ្វីជាច្រើនដើម្បីសម្រេចគោលដៅរបស់ពួកគេ។

៣. អ្នកកើតចន្លោះថ្ងៃ ១៦-២២

រូបតំណាង

គេច្រើនគិតថាខ្លួនឯងមិនសូវពូកែ មិនបានការទាំងដែលមិនទាន់សាកល្បងអ្វីថ្មីនៅឡើយ។ ទោះយ៉ាងណាក៏ដោយ ជីវិតរបស់ពួកគេពោរពេញដោយរឿងល្អជាច្រើន រួមនឹងសំណាងនិងលក្ខខណ្ឌជីវិតដ៏ប្រពៃផងដែរ។ មិនតែប៉ុណ្ណោះ គេមានមនោសញ្ចេតនាជ្រាលជ្រៅនិងហ៊ានធ្វើគ្រប់យ៉ាងដើម្បីគ្រួសារ។ សម្រាប់អ្នកកើតខែឧសភាចន្លោះថ្ងៃនេះ ស្រលាញ់ធម្មជាតិពណ៌បៃតង ចូលចិត្តព្រៃភ្នំព្រឹក្សា ជាដើម។ តែពេលរកការងារ បែរជាចូលចិត្តស្វែងរកការងារណាមានភាពស្មុគស្មាញនិងគិតច្រើនទៅវិញ។

រូបតំណាង

៤. អ្នកកើតចន្លោះថ្ងៃ ២៣ -៣១

គេជាមនុស្សដែលពិតជាល្អខ្លាំងណាស់ ហើយតែងតែរកភាពរីករាយដាក់មុខជានិច្ច។ និយាយជជែកគ្នាលេង គឺជាការបង្កើតឲ្យអារម្មណ៍ផ្លូវចិត្តគេបានល្អប្រសើរ គេមានចិត្តទូលាយ អត្តចរិតល្អផងដែរ។ ពេលខ្លះ ពួកគេក៏ហាក់ដូចជាព្រួយបារម្ភច្រើន និងមិនសូវចេះគ្រប់គ្រងចិត្តខ្លួនឯង ម្ដងផ្អែកលើហេតុផលម្តងផ្អែកលើអារម្មណ៍ តែកម្របង្ហាញវាចេញមកណាស់។

រូបតំណាង

ម្យ៉ាងទៀត អ្នកកើតខែឧសភាចន្លោះថ្ងៃនេះ ងប់ងុលនឹងការងារណាស់។ ចំពោះចំណង់ចំណូលចិត្ត ច្រើនតែចាប់អារម្មណ៍លើដំណើរកម្សាន្តទេសចរណ៍ កសិកម្ម និងចម្ការផងដែរ។ ក្រៅពីនេះ គេក៏អាចក្លាយជាស្ថាបត្យករ វិស្វករ ការទូត ឬអ្នកខាងធនាគារជាដើម។ គុណសម្បត្តិគឺថា ប៉ិនប្រសប់ខាងដោះស្រាយវិបត្តិ។

រូបតំណាង

ស្របជាមួយក្តីសង្ឃឹម គេរមែងសម្រេចគោលដៅបានយ៉ាងពិតប្រាកដ។ គេមានភាពឆ្លាតវៃ និងទស្សនវិស័យវែងឆ្ងាយដែលធ្វើឲ្យអ្នកដទៃមិនអាចបដិសេធនូវភាពល្បីល្បាញមួយនេះទេ។ ចំពោះទំនាក់ទំនងវិញ គឺថាស្មោះអស់ពីពោះ ។