អត្ថប្រយោជន៍ដ៏គួរឲ្យភ្ញាក់ផ្អើលនៃការញ៉ាំទឹកក្ដៅឧណ្ហៗជារៀងរាល់ព្រឹក
- 2020-04-23 23:00:00
- ចំនួនមតិ 0 | ចំនួនចែករំលែក 0
អត្ថប្រយោជន៍ដ៏គួរឲ្យភ្ញាក់ផ្អើលនៃការញ៉ាំទឹកក្ដៅឧណ្ហៗជារៀងរាល់ព្រឹក
ការទទួលទឹកគឺសំខាន់ណាស់សម្រាប់ការរស់នៅរបស់មនុស្ស ប៉ុន្តែរឹតតែប្រសើរទៀតនោះ បើអ្នកអាចទទួលទានទឹកក្ដៅឧណ្ហៗជារៀងរាល់ព្រឹក ព្រោះវាបានផ្ដល់នូវអត្ថប្រយោជន៍យ៉ាងច្រើនហួសស្មានដល់អ្នក ៖
១. ការពារកុំឲ្យចាស់មុនអាយុ
ទឹកក្ដៅអាចជួយសំអាតជាតិពុលចេញពីរាងកាយ។ លើសពីនេះទៀតវាអាចជួយឲ្យកោសិកាស្បែកជួសជុលដែលអាចនាំឲ្យស្បែកអ្នកស្រស់ស្អាត ហើយមើលទៅក្មេងជាងមុន។
**២. សម្រាលនូវការឈឺចាប់**
វាពិតជាមានប្រសិទ្ធភាពក្នុងការបំបាត់ការឈឺចាប់ពេលមករដូវ។ ម្យ៉ាងទៀតទឹកក្ដៅឧណ្ហៗគឺជាឱសថសម្រាប់បន្ថយការឈឺចាប់គ្រប់ប្រភេទដែលវាធ្វើឲ្យឈាមរត់កាន់តែប្រសើរឡើង និងជួយសម្រួលសាច់ដុំនៃរាងកាយ។
៣. ជួយសម្រកទម្ងន់
ការផឹកទឹកក្ដៅឧណ្ហៗនៅពេលព្រឹកមានប្រយោជន៍ណាស់ក្នុងការជួយឲ្យអ្នកស្រកទម្ងន់ ព្រោះវាបង្កើនសីតុណ្ហភាពក្នុងខ្លួនរបស់អ្នកដែល បង្កើនអត្រាការរំលាយអាហារ និងដុតបំផ្លាញជាតិខ្លាញ់ក្នុងខ្លួនរបស់អ្នក។
៤. ជំនួយដល់ការរំលាយអាហារ
ផឹកទឹកក្ដៅឧណ្ហៗនៅពេលព្រឹកវានឹងជំរុញសម្រួលដល់ប្រព័ន្ធរំលាយអាហាររបស់អ្នកដែលធ្វើឲ្យអាហារដែលអ្នកញ៉ាំឆាប់រំលាយនិងជួយឲ្យរាងកាយរបស់អ្នកកាន់តែប្រសើរឡើង។
៥. ជួយឲ្យឈាមរត់បានស្រួល
ការដែលទទួលទានទឹកក្ដៅឧណ្ហៗនៅពេលព្រឹក គឺអាចជួយលាងសម្អាតជាតិពុលដែលមានវត្តមានទូទាំងរាងកាយដែលជួយ ចរាចរឈាមបានល្អ និង លុបបំបាត់ការរត់មិនបានល្អនៃឈាម ហើយថែមទាំងជួយដល់លំហូរឈាមទៀតផង។
៦. សម្រួលដល់ការទល់លាមក
ការផឹកទឹកក្តៅឧណ្ហៗមុនពេលដែលអ្នកបានបរិភោគអ្វីនោះ វាអាចជួយបង្កើនចលនាពោះវៀនរបស់អ្នកដែលអាចជួយឲ្យអ្នកស្រួលក្នុងការបន្ទោបង់និង កាត់បន្ថយការទល់លាមកបានយ៉ាងប្រសើរ។
៧. សម្រួលដល់ការគេង
ការញ៉ាំទឹកក្ដៅឧណ្ហៗក្នុងកំឡុងពេលញ៉ាំអាហារពេលព្រឹក ជាពិសេសអាហារពេលល្ងាច និង មុនពេលចូលគេង គឺវាបានជួយឲ្យរាងកាយអ្នកសម្រាក ហើយសម្រួលដល់ប្រព័ន្ធប្រសាទអ្នក ដែលធ្វើឲ្យអ្នកគេងលក់ស្រួល និងមិនធ្វើទុកអ្វីដែលប៉ះពាល់ដល់ដំណេកអ្នក។
ដូច្នេះអ្នកគួរតែព្យាយាមញ៉ាំទឹកក្ដៅឧណ្ហៗនៅពេលព្រឹក ក៏ដូចជាពេលដែលញ៉ាំអាហារល្ងាចរួចព្រោះវាមានប្រយោជន៍ខ្លាំងណាស់ដល់សុខភាពអ្នក