ឈប់ទៅប្រុសៗ! វិធីញ៉ែស្រី ៥យ៉ាងដែលហ៊ានតែប្រើ ដឹងតែស្រីៗលែងមើលមុខ

2020-01-10 07:20:00
ចំនួនមតិ 0 | ចំនួនចែករំលែក 0

មនុស្សស្រីនៅពេលមាននរណាម្នាក់មកញ៉ែ ច្បាស់ណាស់ប្រាកដជាមានសប្បាយចិត្តតិចតួច ថាយ៉ាងហោចណាស់ក៏មានអ្នកមកញ៉ែយើងដែរហ្ន៎។ ប៉ុន្តែពេលខ្លះវិធីញ៉ែដែលមនុស្សប្រុសខ្លះប្រើវាក៏ពិបាកទទួលយកបន្តិច ឬអាចនិយាយបានថាគួរឲ្យស្អប់តែម្ដង។ ថ្ងៃនេះ កញ្ញា សូមបង្ហាញវិធីញ៉ែ៥យ៉ាងរបស់មនុស្សប្រុស ដែលធ្វើឲ្យស្រីៗឃើញពេលណា លើកដៃ Bye Bye ពេលហ្នឹង៖

១. ស្គាល់គ្នាមិនទាន់បានប៉ុន្មានថ្ងៃ តាមមក Surprise ដល់កន្លែងធ្វើការ

ការដែលស្គាល់គេមិនបានប៉ុន្មានថ្ងៃ ប៉ុន្តែអ្នកបែរជាហ៊ានសម្រុកទៅកន្លែងធ្វើការរបស់នាង វាមិនបានបង្ហាញថាអ្នកស្រលាញ់នាង ស្មោះស្ម័គ្រអ្វីនោះទេ។ ធ្វើបែបនេះនាងមិនរំភើបឡើយ ប៉ុន្តែអាចនឹងខឹង ស្ដីឲ្យអ្នកមុខមិត្តរួមការងាររបស់នាងថែមទៀត។

២. លបតាមគេដល់កន្លែងចតឡាន ហើយទៅដល់ផ្ទះ

ធ្វើបែបនេះវាមិនរ៉ូមែនទិកដូចក្នុងរឿងភាគ ឬរឿងនិទានទេ ប៉ុន្តែវាមើលទៅដូចជារោគចិត្តទៅវិញ ហើយក៏ដូចជាយើងបំពានពេលវេលាផ្ទាល់របស់គេដែរ ដែលធ្វើឲ្យនាងមានអារម្មណ៍ថាមិនមានសុវត្ថិភាព។

៣. មាត់ដល់ ដៃដល់

ដៃដូចមឹក មាត់នឹកឃើញអីក៏និយាយឡើងដល់ៗ... បែបនេះសូមកុំធ្វើអី បើទោះបីនាងជាមនុស្សចិត្តទូលាយ មិនសូវប្រកាន់យ៉ាងម៉េចក៏ដោយ ប៉ុន្តែបើមានឈ្មោះជាមនុស្សស្រីហើយ នាងតែងស្រលាញ់ហួងហែងខ្លួនប្រាណនាងជានិច្ច។ ដូច្នេះបើអ្នកមិនស្និទ្ធស្នាលជាមួយនាងទេ សូមកុំធ្វើបែបនេះដាច់ខាត។

៤. តាមរំខានគ្រប់ពេល

ចង់ ខល ក៏ខល មិនដឹងពេលធ្វើការ ឬយប់ព្រលប់ តាមនិយាយ តាមញ៉ែទាំងនាងកំពុងធ្វើការ ។ល។ បំណាច់នឹងតាមញ៉ែគេ គួរណាស់តែធ្វើឲ្យវាមើលទៅធម្មជាតិ យល់កាលៈទេសៈបន្តិចដែរ កុំតាមរំខាននាងច្រើនខ្លាំង រហូតដល់នាងមានអារម្មណ៍ថាលែងមានសេរីភាពអី ព្រោះបែបនេះនឹងធ្វើឲ្យនាងស្អប់អ្នកលើសដើម។

៥. និយាយស្ដីចម្អេះចំអាស

មែនហើយ មនុស្សស្រីភាគច្រើនតែងចាញ់ស្នេហ៍មនុស្សប្រុសពូកែសម្ដី កំប្លែង ប៉ុន្តែបើចូលលក្ខណៈអាសអាភាស 18+ ជាមួយនាងញឹកញាប់ពេក អ្នកនឹងលែងទទួលបានការពិចារណាអ្វីទៀតហើយ ព្រោះនាងនឹងមានអារម្មណ៍ថា អ្នកជាមនុស្សល្មោភកាម សម្លឹងមើលមនុស្សស្រីជាឧបករណ៍ផ្លូវភេទ ចង់ញ៉ែនាងដើម្បីតែលេងសើច មិនមែនស្រលាញ់មែនទែនឡើយ ៕