ទៅមុខទៀតក៏មិនរួចដែរ នេះជាសញ្ញាប្រាប់ថាស្នេហាមួយដល់ពេលបញ្ចប់
- 2018-06-28 02:50:49
- ចំនួនមតិ 0 | ចំនួនចែករំលែក 0
ទៅមុខទៀតក៏មិនរួចដែរ នេះជាសញ្ញាប្រាប់ថាស្នេហាមួយដល់ពេលបញ្ចប់
តាមការពិតទៅ ពេលខ្លះបែកគ្នាគឺជាវិធីដ៏ល្អបំផុតដើម្បីឲ្យភាគីទាំងសងខាងទទួលបានសុភមង្គល។ គ្មានរូបមន្តមួយណាពិតប្រាកដដើម្បីសាងបានសុភមង្គលសម្រាប់គូស្នេហ៍មួយឡើយ។ មនុស្សខុសគ្នា តែងមានវិធីសាស្ត្រខុសគ្នាដើម្បីបង្កើតសុភមង្គលឲ្យចំណងមនោសញ្ចេតនាដែលខ្លួនកំពុងមាន។ យ៉ាងណាមិញ មិនមែនគ្រប់ស្នេហានឹងនាំមកនូវភាពរីករាយចំពោះអ្នកដែលស្ថិតក្នុងវានោះឡើយ មានកាលៈទេសៈខ្លះយើងត្រូវដឹងដោយខ្លួនហើយ វាដល់ពេលដែលត្រូវបញ្ចប់ហើយ កុំអូសបន្លាយភាពនឿយហត់របស់អ្នកទាំង២ទៀត។ ខាងក្រោមនេះគឺជាពេលទាំង៤ដែលយើងដឹងថា រឿងយើងទាំង២ទៅមុខលែងរួចហើយ។
១. អ្នកទាំង២លែងចំណាយពេលដើម្បីកសាងមនោសញ្ចេតនា
បើសិនជាក្នុងរយៈពេលវែង ហើយអ្នកទាំងលែងខ្វាយខ្វល់នឹងគ្នា នោះគឺជាពេលដែលអ្នកត្រូវគិតពីស្នេហារបស់ខ្លួនឡើងវិញ។ ស្នេហាត្រូវការ ការយកចិត្តទុកដាក់ពីសងខាង។ បើសិនជានៅក្បែរគ្នា តែមិនដឹងជានិយាយអ្វី ឬត្រូវធ្វើអ្វី ហើយថែមទាំងគ្មានពាក្យផ្អែមល្ហែមអ្វីទៀតនោះ នោះគឺជាពេលដែលចំណងមួយនេះកំពុងសាបរលាបហើយ។
២. គោលដៅនៃជីវិតរបស់អ្នកទាំងពីរខុសគ្នា
ពេលផ្ដើមដំបូង អ្នក និងសង្សារអាចមានគោលដៅអនាគតដូចគ្នា។ តែពេលវេលាកន្លងផុតទៅ គោលដៅអ្នកទាំង២ចាប់ផ្ដើមឃ្លាតឆ្ងាយពីគ្នា ហើយលែងនៅផ្លូវតែមួយ។ ឧទាហរណ៍ជាក់ស្ដែងគឺ អ្នកពេលស្រលាញ់គ្នាចង់រៀបការ តែគេគ្រាន់តែបន្តចំណងស្នេហ៍ត្រឹមកំរិតសង្សារប៉ុណ្ណោះជាដើម។ នេះក៏ជាចំណុចមួយដែលអ្នកគួរគិតគូរឡើងវិញសម្រាប់រឿងស្នេហារបស់ខ្លួន កុំឲ្យខាតពេលឥតប្រយោជន៍។
៣. ភាគីម្ខាងទៀតចង់ផ្លាស់ប្ដូរអ្នក
ជំនួសឲ្យការទទួលយកចរិតពិតរបស់អ្នក គេបែរជាព្យាយាមផ្លាស់ប្ដូរអ្នកទៅវិញ។ គេចង់ប្រែក្លាយអ្នកទៅជានារីដែលគេចង់បាន មិនមែនស្រលាញ់អ្នកដែលជាអ្នក។ រាល់បំណងប្រាថ្នា ឬអ្វីដេលអ្នកចង់បានគឺគែជ្រៀតជ្រែកទាំងអស់ ហើយអ្នកមិនមានភាពរិករាយនៅក្នុងចំណងស្នេហ៍របស់ខ្លួនឯង។ ហេតុអ្វីយើងត្រូវស្រលាញ់មនុស្សម្នាក់ ដែលមិនស្រលាញ់យើងជាយើងផងហ្នឹង? បែកគ្នាគឺជាមធ្យោបាយដ៏ល្អបំផុត។
៤. ស្នេហានាំមកតែភាពឈឺចាប់សម្រាប់អ្នកទាំង២
ប្រាកដណាស់ក្នុងរឿងស្នេហាគឺមានពេលខ្លះពិបាក និងពេលខ្លះសប្បាយ។ តែមិនមែនមានន័យថាអ្នកត្រូវមានអារម្មណ៍ឈឺចាប់ទើបគេហៅថាស្នេហានោះទេ។ បើអ្នករកមិនឃើញដំណោះស្រាយចំពោះរាល់ការឈឺចាប់នេះទេ នេះមិនមែនហៅថាការស្រលាញ់ទេ គឺជាការធ្វើទារុណកម្មគ្នាច្រើនជាង ព្រោះស្នេហាពិតនឹងមិនធ្វើឲ្យអ្នកឈឺឡើយ៕
ចុចអាន៖
បើឮពាក្យ ៥ឃ្លានេះចេញពីមាត់គេ មានន័យថាគេចង់បែកពីអ្នកហើយ
លង់ស្រឡាញ់គេខ្លាំង តែដឹងថាគ្មានសង្ឃឹមជួបគ្នា អ្នកអាចប្រើវិធីនេះដកខ្លួនបាន