លង់ស្រឡាញ់គេខ្លាំង តែដឹងថាគ្មានសង្ឃឹមជួបគ្នា អ្នកអាចប្រើវិធីនេះដកខ្លួនបាន

2018-06-22 09:17:03
ចំនួនមតិ 0 | ចំនួនចែករំលែក 0

ពេលងប់ស្រឡាញ់អ្នកណាម្នាក់មែនទែន ហើយបែរជាគ្មានសង្ឃឹមនោះ គឺពិបាកខ្លាំងណាស់។ ចង់ដកខ្លួន ចង់ភ្លេចកាន់តែពិបាក ប៉ុន្តែបើគ្មានលទ្ធផលហើយតើបន្តទៀតធ្វើអី គឺមានតែខាំមាត់ដើរចេញ។ យ៉ាងណាមិញខាងក្រោមនេះជាវិធីសាស្ត្រមួយចំនួនដែលអ្នកជួយឲ្យអ្នកដកខ្លួនចេញពីគេបាន ទោះកំពុងលង់ស្រឡាញ់គេខ្លាំងក៏ដោយ៖

១. ស្វែងរកចំណុចអវិជ្ជមានណាមួយរបស់គេ

ពិបាកដែរ ព្រោះពេលស្រឡាញ់អីក៏ល្អដែរ តែបើអ្នកពិតជាចង់ដកចិត្តពីគេមែន អ្នកគួរតែសាកអង្គុយរកនឹងចំណុចមិនល្អរបស់គេ។ ឧទាហរណ៍ គេរាងអន់កម្ពស់ ឬមុខអាក្រក់បន្តិច គេជាមនុស្សសោះកក្រោះ ឬគេជាជាមនុស្សចំណាយពេលអត់ប្រយោជន៍ច្រើនជាដើម។ យ៉ាងណាក៏ដោយត្រូវរកអ្វីដែលអាក្រក់ពីគេមកទុកក្នុងខួរក្បាល ហើយព្យាយាមប្រាប់ខ្លួនឯងរាល់ថ្ងៃថា ទោះបីបានស្រឡាញ់គ្នា ក៏មិនអាចរស់នៅជាមួយគ្នាដែរ។

រូបតំណាង

**២. ចេះទប់អារម្មណ៍ខ្លួនឯងកុំឲ្យទាក់ទងទៅគេ**

ដឹងថាពិបាក ពេលនឹកគេហើយមិនអាច Chat ឬទាក់ទងទៅគេ ប៉ុន្តែពេលដែលអ្នកកាន់តែទាក់ទង អ្នកកាន់តែមិនអាចដកខ្លួន។ ព្យាយាមរកអ្វីមកបន្លប់កុំឲ្យនឹកឃើញគេ ហើយពេលពិបាកទប់ខ្លាំង អ្នកអាចសរសេរទុកក្នុងទូរស័ព្ទ ឬសៀវភៅដែលអាចបន្ធូរអារម្មណ៍ខ្លះ។

៣. ផ្ដោតអារម្មណ៍ទៅរឿងផ្សេង

យកពេលដែលអ្នកធ្លាប់ចូលមើល Profile គេ ទៅមើលរឿងភាគវិញក៏ល្អដែរ ព្រោះយ៉ាងណាមិនធ្វើឲ្យនឹកគេ។ លើសពីនេះគួរតែធ្វើខ្លួនឲ្យរវល់ជាងមុន ឬចេញទៅក្រៅជាមួយមិត្តភក្តិឲ្យបានច្រើនក៏ល្អដែរ។

៤. លុបរូបគេចេញពីទូរស័ព្ទ ហើយកុំមើលរូបថតគេទៀត

លុបរូបគេចេញពីទូរស័ព្ទបានមែនតែលុបចេញពីចិត្តអត់បានទេ តែបើអ្នកធ្វើបែបនេះបានក៏ល្អម្យ៉ាងដែរ ព្រោះកុំឲ្យឃើញហើយចេះតែនឹកឃើញទៀត។ កុំមើលរូបថតគេទៀត ហើយកុំមើលអីដែលពាក់ព័ន្ធនឹងគេទៀត ព្រោះបែបនេះជំងឺចាស់កាន់រើឡើង។

៥. សាកបើកចិត្តមើលអ្នកផ្សេង

ពេលខ្លះដោយសារតែអ្នកផ្ដោតលើម្នាក់ហ្នឹងពេក ទើបភ្លេចមើលអ្នកផ្សេង ដូច្នេះហើយអ្នកគួរតែសាកបើកចិត្តមើលខ្លះ។ ជួនកាលអាចឲ្យអ្នកមើលឃើញអ្នកផ្សេងវិញក៏ថាបាន ហើយពេលនោះអ្នកនឹងភ្លេចគេបានយ៉ាងងាយ។