ទាំងនេះជាអ្វីដែលមិនគួរធ្វើ នៅពេលអ្នកកំពុងតែមានអារម្មណ៍នឿយហត់

2018-03-07 01:00:00
ចំនួនមតិ 0 | ចំនួនចែករំលែក 0

តើអ្នកធ្លាប់មានអារម្មណ៍ថា ចេះតែទន់ត្របកភ្នែកពេលកំពុងធ្វើការដែរទេ? បើសិនអាការនេះកើតឡើងស្ទើរតែពេញមួយថ្ងៃ វាបញ្ជាក់ថាអ្នកកំពុងនឿយហត់ខ្លាំងហើយ។ ខាងក្រោមជារឿងទាំង ១០ដែលអ្នកមិនគួរធ្វើនៅពេលមានអារម្មណ៍នឿយហត់?

១. ផឹកកាហ្វេ៖ អ្នកគិតថាផឹកកាហ្វេអាចធ្វើឲ្យខ្លួនឯងស្វាងឡើងវិញ តែការពិតជាតិកាហ្វេអ៊ីនដែលនៅក្នុងខ្លួនអាចមានឥទ្ធិពលដល់ទៅ ៥ម៉ោង ហើយបន្ទាប់ពីនោះទៅវាធ្វើឲ្យអ្នកកាន់តែអស់ម្លាំងថែម។

**២. គេងថ្ងៃយូរ៖**បើសិនជាអ្នកចំណាយពេលគេងថ្ងៃយូរពេក នោះអ្នកនឹងពិបាកគេងនៅពេលយប់ ហើយនៅថ្ងៃបន្ទាប់អ្នកប្រាកដជាមានអារម្មណ៍នឿយហត់ទៀតមិនខាន។

៣. ញ៉ាំអាហារដែលមានកាឡូរីច្រើន៖ ការឃ្លានក៏បណ្តាលឲ្យអ្នកអស់កម្លាំងដែរ ប៉ុន្តែសូមកុំព្យាយាមញ៉ាំអាហារណាដែលមានកាឡូរីច្រើន ដូចជាភីស្សា បឺហ្គឺ ដំឡូងបំពង។ល។ វាមិនបានផ្តល់ថាមពលត្រឹមត្រូវឲ្យអ្នកទេ តែបែរជាធ្វើឲ្យធាត់ឡើងទម្ងន់ទៅវិញ។

៤. ចុចទូរស័ព្ទ ឬនៅមុខពន្លឺកុំព្យូទ័រ៖ ពន្លឺនៃឧបករណ៍អេឡិចត្រូនិចទាំងនោះ ធ្វើឲ្យគេងមិនលក់ទោះជាងងុយគេង និងអស់កម្លាំងខ្លាំងក៏ដោយ។

**៥. ចូលគេងយប់ជ្រៅ៖**បើអ្នកមានការងារនៅថ្ងៃធម្មតាច្រើន រហូតមិនបានគេងគ្រប់គ្រាន់ហើយ ដូច្នេះគួរចំណាយពេលនៅចុងសប្តាហ៍វិញ ចូលគេងពីក្បាលព្រលប់បន្តិចដើម្បីសន្សំកម្លាំង៕

ចុចអាន៖ហេតុអ្វីអាហារដែលមានជាតិដែក សំខាន់ចំពោះស្ត្រីប្រើកម្លាំងច្រើនក្នុងការងារប្រចាំថ្ងៃ?

ប្រភព៖ Boldsky ប្រែសម្រួល៖ អ៊ុង រ័ត្នបញ្ញា