ណាសាឌី បង្ហើបពីបុរសក្នុងសុបិន តែខុសទាស់ត្រង់មិនមែនជាបុរសវ័យក្មេង
- 2017-12-21 02:32:26
- ចំនួនមតិ 0 | ចំនួនចែករំលែក 0
ណាសាឌី បង្ហើបពីបុរសក្នុងសុបិន តែខុសទាស់ត្រង់មិនមែនជាបុរសវ័យក្មេង
មនុស្សស្រីណាក៏មានបុរសក្នុងក្ដីស្រម៉ៃរបស់ខ្លួនដែរ ជាពិសេសគឺស្រីៗដែលមិនទាន់មានគូរ។ តួយ៉ាងដូចជាកញ្ញាណាសាឌីជាដើម ដែលជាតារាសម្ដែងនិងបង្ហាញម៉ូដ ទើបប្រលូកក្នុងសិល្បៈតែមានឈ្មោះបោះសំឡេងមិនធម្មតាដោយសារតែរូបសម្ផស្សស្រស់ស្អាតមិនចាញ់តារាបរទេស។
នៅក្នុងបទសម្ភាសន៍តាមទូរស័ព្ទតារាវ័យ២១ឆ្នាំរូបនេះនិយាយរៀបរាប់ដោយរីករាយថា នាងក៏មានបុរសក្នុងក្តីស្រមៃដែរតែមិនមែនជាបុរសវ័យក្មេងឡើយ។ នាងចូលចិត្តបុរសវ័យកណ្ដាល ដែលមានសមត្ថភាព មានមុខរបរពិតប្រាកដ ម្ចាស់ការលើខ្លួនឯងនិងមានទំនួលខុសត្រូវខ្ពស់ លើគ្រួសារ ការងារ។ ចំពោះរូបសម្បត្តិវិញមិនជាសំខាន់នោះទេ តែអ្វីដែលសំខាន់គឺគាត់គោរពស្រលាញ់គ្រួសាររបស់នាងផងដែរ។ តែនាងបានបន្ថែមថានាងចូលចិត្តបុរសរឹងមាំ និងម៉ឺងម៉ាត់ដូចច្នេះក៏ពិតមែន តែសូមឲ្យគាត់មានភាពផ្អែមល្ហែមទន់ភ្លន់ចំពោះនាង និងចាត់ទុកនាងដូចព្រះនាងម្ចាស់តូចគ្រប់ពេល។