រឿង៤យ៉ាងដែលប្រុសៗមិនចង់ប្រាប់ តែអ្នកត្រូវដឹងដោយខ្លួនឯង

2017-12-06 01:57:47
ចំនួនមតិ 0 | ចំនួនចែករំលែក 0

ពេលខ្លះ ការពិតមិនងាយនឹងត្រូវបានលាតត្រដាងដោយងាយស្រួល និងគ្រប់រឿងទាំងអស់ឡើយ ទោះបីអ្នកទាំងពីរជាគូស្នេហ៍ដែលស្រឡាញ់ និងរស់នៅជាមួយគ្នាយូរហើយក្ដី។ ជាក់ស្ដែង មានរឿងសំងាត់មួយចំនួនដែលបុរសៗ ធុញមិនចង់ធ្វើ តែទ្រាំធ្វើដើម្បីផ្គាប់ចិត្តអ្នក ឬរឿងដែលគាត់ត្រូវការឲ្យអ្នកធ្វើ តែមិនហ៊ាននិយាយផ្ទាល់មាត់ប្រាប់ព្រោះខ្លាចចិត្ត។ ដូច្នេះខាងក្រោមនេះហើយជាអ្វីដែលអ្នកត្រូវដឹង ដើម្បីស្គាល់ពីតម្រូវការរបស់ប្រុសៗឲ្យកាន់តែច្បាស់៖

១. មិនសូវចូលចិត្តការខលមុនពេលចូលគេង

មនុស្សប្រុសស្អប់ការបង្ខំឲ្យធ្វើអ្វីមួយណាស់។ ទោះបីគាត់ធុញជាមួយការដែលត្រូវខលទៅអ្នករាល់យប់ និងការនិយាយពាក្យ “រាត្រីសួស្ដី” ដដែលៗមុនពេលចូលគេង ខ្លាំងយ៉ាងណា ក៏គាត់នៅតែបង្ខំចិត្តធ្វើព្រោះវាជារឿងដែលអ្នកចូលចិត្ត និងត្រូវការបំផុតពីគាត់។

២. ដឹងពេលអ្នកឡើងទម្ងន់

មនុស្សប្រុសក៏អាចសង្កេតឃើញរឿងប្រែប្រួលតូចតាច លើរាងកាយអ្នកដែរ។ អ្នកឡើងទម្ងន់ បាត់បង់រាងស្លីម មានសាច់ច្រើនជាងមុន គាត់ប្រាកដជាដឹង។ តែយ៉ាងណាក៏គាត់ធ្វើជាមិនដឹង ដើម្បីកុំឲ្យអ្នកពិបាកចិត្ត ឬគិតថាខ្លួនឯងមិនស្អាតដូចមុន បារម្ភខ្លាចគាត់ឈប់ស្រឡាញ់អ្នក។

៣. ចង់ឲ្យអ្នកស្លៀកពាក់ស្អាតៗសម្រាប់គាត់

បើអ្នកគិតថាមនុស្សប្រុសក៏ចូលចិត្ត ខោ ឬអាវយឺតរលុងៗដែលអ្នកតែងតែពាក់នៅផ្ទះស្ទើររាល់ថ្ងៃនោះ អ្នកប្រហែលជាច្រឡំធំហើយ។ តាមពិតគាត់ចង់ឲ្យអ្នកស្លៀកពាក់បែបសិចស៊ី បញ្ចេញសាច់ខ្លះៗ ទើបជាចំណង់ចំណូលចិត្តរបស់មនុស្សប្រុសពិតប្រាកដ។

៤. តម្រូវការរឿងលើគ្រែ

វាជារឿងដែលមិនអាចប្រកែកបាន ដែលមនុស្សប្រុសត្រូវការរឿងបែបនេះ ពីមនុស្សស្រីដែលខ្លួនស្រឡាញ់ ។ ទោះបីពេលខ្លះ គាត់ព្យាយាមធ្វើជាសុភាពបុរស ដើម្បីឲ្យអ្នកទុកចិត្តបែបណាក៏ដោយ អ្នកក៏ត្រូវដឹងថាគាត់នៅតែជាមនុស្សប្រុស ដូចគេដូចឯង ៕

ចុចអាន៖

ប្រភព៖ Likelovequotes ប្រែសម្រួល៖ អូន បញ្ញា