អ្នកនឹងក្លាយជាមនុស្សមានអំណោយទាន បើមានចំណុចទាំងប៉ុន្មាននេះ

2017-11-17 00:21:04
ចំនួនមតិ 0 | ចំនួនចែករំលែក 0

តាមពិតទៅមនុស្សយើងមាននិស្ស័យពីកំណើតខុសៗគ្នា អ្នកខ្លះជាមនុស្សមានប្រជាប្រិយ មានគេចូលចិត្តច្រើន តែអ្នកខ្លះវិញបែរជាស្ងៀមស្ងាត់មិនសូវមានគេរាប់រក។ យ៉ាងណាក្តី យើងក៏មិនអាចលើកហេតុផលនេះតែម្យ៉ាងបានដែរ អត្តចរិតពិតប្រាកដទើបជាអ្វីដែលគួរតែរៀបចំប្រសិនបើអ្នកចង់ក្លាយជាមនុស្សដែលគេគ្រប់គ្នាចូលចិត្តច្រើន។

១. ការរៀបឬកពេលជួបលើកដំបូង៖ មិនថាជាការរៀបចំខ្លួន ការនិយាយស្តី ឬបញ្ចេញគំនិតផ្សេងៗឡើយ គ្រប់គ្នានឹងវាយតម្លៃអ្នកតាមរយៈលក្ខណៈសម្បត្តិទាំងនេះពេលជួបគ្នាឡើងដំបូង។ ប្រសិនបើអ្នកមានចំនុចខ្វះខាតត្រង់នេះពីដំបូងហើយ វាអាចនឹងមានផលលំបាកបន្តិចនៅពេលទំនាក់ទំនងគ្នាថ្ងៃក្រោយ។ អ្នកដទៃមានអារម្មណ៍ល្អជាមួយអ្នកឬអត់ គឺឋិតនៅលើការជួបគ្នាដំបូងនេះហើយ។

២. កុំធ្វើខ្លួនមានអំនួតពេក៖ ត្រូវហើយមនុស្សមិនដែលស្គាល់គ្នាច្បាស់ជាមានអ្វីដែលត្រូវបង្ហាញឱ្យគ្នាដឹងមិនខាន ប៉ុន្តែចូរកុំបង្ហាញពីសមត្ថភាពឬអ្វីដែលអ្នកមានឱ្យគេដឹងច្រើនពេក។ អាចមានមនុស្សខ្លះគេស្ងើចនឹងអ្នក តែបើប៉ះចំមនុស្សដែលមានគំនិតអវិជ្ជមានវិញគេច្បាស់ជាគិតថាអ្នកមានអំនួតហើយ។

៣. បើកឱកាសឱ្យគេនិយាយផង៖ ក្នុងការសន្ទនាមួយ ភាគីទាំងសងខាងត្រូវបញ្ចេញមតិទៅវិញទៅមក មិនអាចឱ្យគេឬអ្នកនិយាយតែម្នាក់ឯងទេ។ បើសិនគេជាមនុស្សមិនសូវចេះនិយាយ អ្នកគួរតែលើកឡើងជាសំនួរផ្សេងៗដើម្បីឱ្យគេមានអ្វីរៀបរាប់ខ្លះ ជៀសវាងភាពសោះកក្រោះ។

រូបតំណាង

**៤. សម្គាល់ចំណុចដែលដូចគ្នា៖** ទង្វើនេះជួយឱ្យការសន្ទនារបស់អ្នកកាន់តែមានភាពស្អិតរមួត ហើយដៃគូក៏រីករាយនឹងនិយាយជាមួយអ្នកដែរ ព្រោះគេគិតអ្នកក៏អាចយល់ពីគេបានច្រើនដែរ។

៥. ការផ្តល់ដំបូន្មាន៖ ថ្វីត្បិតតែអ្នកមិនមែនជាអ្នកជំនាញក៏ពិតមែន ប៉ុន្តែការផ្តល់ដំបូន្មាននិងការបញ្ចេញគំនិតផ្សេងៗត្រូវតែមាន។ អ្វីដែលសំខាន់ត្រូវប្រាកដថាការអះអាងនោះមានហេតុមានផលត្រឹមត្រូវ តែក៏មិនមែនធ្វើដូចអ្នកនៅក្នុងស្ថានភាពគេដែរ៕

ចុចអាន៖មើលតែ ៩ចំណុចសាមញ្ញទាំងនេះក៏អាចដឹងខ្លះដែរថាអ្នកក្លាយជាមនុស្សជោគជ័យឬអត់

ប្រភព៖ Time ប្រែសម្រួល៖ អ៊ុង រ័ត្នបញ្ញា