៣សញ្ញាចុកចាប់បញ្ជាក់ថាអ្នកកំពុងចំណាយពេលស្រឡាញ់គេតែម្ខាងឥតប្រយោជន៍

2017-10-25 02:24:45
ចំនួនមតិ 0 | ចំនួនចែករំលែក 0

ជួបបុរសក្នុងក្ដីស្រមៃ ព្យាយាមគ្រប់បែបយ៉ាង ដើម្បីឲ្យគេចាប់អារម្មណ៍ ចង់ក្លាយជាមនុស្សពិសេសរបស់គេ ទាំងដែលដឹងដែរថាខ្លួនឯងកំពុងតែស្រឡាញ់គេតែម្ខាង ហើយក៏ចេះតែរំពឹងថាប្រហែលគេអាចស្រឡាញ់អ្នកវិញនៅថ្ងៃណាមួយ។ ការពិតនៅតែជាការពិត ទោះបីអារម្មណ៍អ្នកមានៈមិនព្រមទទួលយ៉ាងណាក៏ដោយ សញ្ញាទាំង៣ខាងក្រោមបញ្ជាក់ច្បាស់ថាអ្នកកំពុងចំណាយពេលអត់ប្រយោជន៍លើទំនាក់ទំនងបែបនេះ៖

១. គាត់មិនអើពើចំពោះអ្នក

នៅពេលអ្នកនៅក្បែរគាត់ គាត់ធ្វើព្រងើយកន្តើយ មិនខ្វល់ខ្វាយចំពោះវត្តមានអ្នក។ អ្នកអាចគិតថាប្រហែលគាត់កំពុងតែលេងចរិតប្រុសស្អាត ប៉ុន្តែវាគ្រាន់តែជាអារម្មណ៍របស់អ្នកតែម្ខាង។ ភាគច្រើនបំផុត មនុស្សប្រុសធ្វើបែបនេះចំពោះតែមនុស្សដែលគាត់មិនចាប់អារម្មណ៍ ហើយក្តីសង្ឃឹមរបស់អ្នកអាចក្លាយជាការពិតតែក្នុងរឿងកុនប៉ុណ្ណោះ។

២. អ្នកមិនស្ថិតក្នុងជម្រើសដំបូងគេរបស់គាត់

គាត់ទៅណា ឫធ្វើអ្វី អ្នកតែងតែជាជម្រើសចុងក្រោយដែលគាត់ជ្រើសរើស។ ភាពសំខាន់ដែលគាត់ផ្តល់ឲ្យអ្នកគឺផ្ទុយពីអ្វីដែលអ្នកបានផ្តល់ឲ្យគាត់។ ទាំងអស់នេះបង្ហាញថាអ្នកគ្មានថ្ងៃយកឈ្នះចិត្តគាត់បានទេ ហើយវាគ្រាន់តែជាបំណងអ្នកតែម្ខាង ដែលធ្វើឲ្យខ្លួនឯងមានសភាពសោកសង្រេង និងគួរឲ្យអាណិតយ៉ាងហ្នឹង។

៣. គ្មានសិទ្ធិលើសពីមិត្តភ័ក្ដិ

ពេលខ្លះ វាពិបាកបន្ទោសអ្នកណាស់ ខួរក្បាលព្រមទទួលការពិត តែបេះដូងមានៈមិនព្រមទទួលស្គាល់ថាបុរសក្នុងចិត្តអ្នកគ្មានចិត្តលើអ្នកសូម្បីប៉ុនក្រចកដៃ។ អ្វីដែលគេអាចផ្ដល់ឲ្យអ្នកបានគឺមិនអាចលើសពីមិត្តភ័ក្ដិ។ វាពិតជាធ្វើឲ្យអ្នកពិបាកទទួលយកខ្លាំងបំផុត។

ដូច្នេះហើយអ្នកគួរតែបញ្ចប់ទំនាក់ទំនងដែលគ្មានន័យមួយនេះ ព្រោះវាបានតែត្រឹមផ្តល់ឲ្យអ្នកនូវភាពខ្លោចផ្សា កណ្ដោចកណ្ដែងប៉ុណ្ណោះ។ ទោះបីអាម៉ាស់ ឬគ្រាំគ្រាប៉ុណ្ណាក៏ជីវិតត្រូវតែបន្តទៅមុខ នឹងចាប់ផ្ដើមសាជាថ្មីបានដែរ ៕

ចុចអាន៖

ប្រភព៖ Likelovequotes ប្រែសម្រួល៖ អូន បញ្ញា