៤ទង្វើបញ្ជាក់ច្បាស់ថាសង្សារអ្នកកំពុងនឹកអ្នកខ្លាំងណាស់ គ្រាន់តែមិននិយាយ

2017-10-18 02:37:12
ចំនួនមតិ 0 | ចំនួនចែករំលែក 0

ពេលអ្នកមិននៅក្បែរគ្នា ចង់ដឹងណាស់មែនទេថាមិត្តប្រុសអ្នកកំពុងតែនឹកអ្នក ដូចអ្នកកំពុងនឹកគាត់ឬអត់។ ពេលខ្លះមនុស្សប្រុសមិនពូកែក្នុងការបង្ហាញអារម្មណ៍ពិត តាមរយៈពាក្យសម្ដីទៅកាន់គូស្នេហ៍ដូចមនុស្សស្រីទេ។ យ៉ាងណាក៏ដោយ ផ្ទុយពីភាពសោះអង្គើយរបស់គាត់ ធាតុពិតគាត់នឹកអ្នកស្ទើរស្លាប់ទៅហើយ ប្រសិនបើគាត់បញ្ចេញទង្វើ៤យ៉ាងនេះ៖

រូបតំណាង

**១. គាត់ផ្ញើសារទៅអ្នកញឹកញាប់**

នៅពេលដែលយើងនឹកអ្នកណាម្នាក់ យើងប្រាកដជាចង់ឆ្លើយឆ្លង សន្ទនាជាមួយអ្នកនោះ។ ដូចគ្នាដែរនៅពេលដែលគាត់តែងតែផ្ញើសារទៅសួរអ្នកពីរឿងនេះរឿងនោះដែលមិនសូវសំខាន់ វាជាសញ្ញាច្បាស់ក្រឡែតថា គាត់នឹកអ្នកស្ទើរទ្រាំមិនបានទៅហើយ។

២. រករឿងឈ្លោះដោយគ្មានហេតុផល

នៅពេលគ្មានអ្នកនៅក្បែរ គាត់នឹងកើតអារម្មណ៍ឯកា កណ្ដោចកណ្ដែង ដូច្នេះហើយទើបគាត់រករឿងតូចតាចមកឈ្លោះជាមួយអ្នក។ កុំបន្ទោសគាត់អី នេះក៏ព្រោះតែនឹកអ្នកខ្លាំង ហើយគ្មានជម្រើសអ្វីក្រៅពីនេះ។

៣. ចេះប្រច័ណ្ឌ

រឹតតែច្បាស់ណាស់លើកនេះ មិត្តប្រុសម្នាក់នេះនឹកអ្នករហូតដល់កើតចិត្តប្រច័ណ្ឌអ្នកជាមួយមនុស្សដែលគាត់មិនស្គាល់ និងមើលមិនឃើញ។ គាត់ធ្វើឲ្យអ្នកអស់សំណើច និងដឹងអារម្មណ៍ពិតរបស់គាត់រឹតតែខ្លាំង។

៤. គាត់ចូល Like Post ចាស់ៗរបស់អ្នកនៅលើ Facebook

គ្មានអ្វីប្លែកទេ នៅពេលដែលនឹកហើយមិនបានជួបមនុស្សពិត មានតែទៅមើលរូបថតចាស់ៗ និង Post ដែលជាអនុស្សាវរីយ៍មួយចំនួននៅលើទំព័រ Facebook។វាជួយឲ្យគាត់រំងាប់ចិត្តនឹកអ្នកមួយរយៈ ព្រមទាំងចង់បង្ហាញសញ្ញាឲ្យអ្នកដឹងថា ឆាប់ត្រលប់មកវិញមក បុរសម្នាក់នេះនឹកណាស់។

រូបតំណាង

សរុបជារួម ស្រីៗត្រូវចេះគត់សម្គាល់នូវទង្វើរបស់មិត្តប្រុសខ្លួនឲ្យបានច្រើន បើចង់ស្វែងយល់ចិត្តរបស់ពួកគាត់ ព្រោះថាមនុស្សប្រុសមិនសូវចេះប្រើពាក្យសម្ដីមកបញ្ជាក់អារម្មណ៍ពិតប៉ុន្មានទេ ៕

ចុចអាន៖

ប្រភព៖ Likelovequotes ប្រែសម្រួល៖ អូន បញ្ញា