ចង់ឲ្យព្រឹកឡើងជាថ្ងៃដ៏ល្អ និងមានសិរីសួស្ដី កុំភ្លេចធ្វើរឿង ៦ យ៉ាងនេះ
- 2017-10-05 02:22:38
- ចំនួនមតិ 0 | ចំនួនចែករំលែក 0
ចង់ឲ្យព្រឹកឡើងជាថ្ងៃដ៏ល្អ និងមានសិរីសួស្ដី កុំភ្លេចធ្វើរឿង ៦ យ៉ាងនេះ
ពេលព្រឹកគឺជាវេលាដ៏ល្អ និងមានន័យសម្រាប់មនុស្សម្នាក់ៗ ហើយបើពេលព្រឹកមានរឿងក្ដៅក្រហាយហើយនោះ មួយថ្ងៃពេញគឺបែបនេះរហូត។ ដូចនេះដើម្បីចង់ឲ្យមានសិរីសួស្ដីពេញមួយថ្ងៃត្រូវធ្វើរឿងទាំងនេះ នៅពេលព្រលឹម ទើបល្អ៖
១.ភ្ញាក់ពីគេងពីព្រឹក ហើយបំភ្លេចរឿងមិនសប្បាយចិត្តម្សិលមិញ៖ គួរបំភ្លេចរឿងទាំងអំបាលម៉ានដែលមិនល្អទៅ ទើបអ្នកគ្មានអារម្មណ៍មួម៉ៅពេលក្រោកមកថ្ងៃថ្មី។ បែបនេះខួរក្បាលនឹងជ្រះថ្លាល្អ ដែលអាចគិត ហើយធ្វើតែរឿងល្អៗបាន។
២.រៀបចំខ្លួនឲ្យបានស្អាតបាត៖ កាលណាស្លៀកពាក់បានស្អាតបាត និងមានភាពទាក់ទាញ នោះជីវិតក៏មានភាពស្រស់បំព្រងទៅតាមខោអាវថ្មីដែរ។
៣.ជៀសឲ្យឆ្ងាយពីមនុស្សមិនល្អ៖ បើដឹងដើរទៅផ្លូវនោះជួបរឿងអបមង្គល គួរជៀសវាងឲ្យឆ្ងាយទៅ ព្រោះភាពភាពមិនល្អនោះ អាចនឹងតោងទាមអ្នករហូត។ គួររកផ្លូវថ្មីដែលឆ្លងកាត់ទៅធ្វើឲ្យអារម្មណ៍អ្នកស្រឡះល្អ ទើបអ្នកអាចជួបតែភាពល្អៗពេញមួយថ្ងៃ។
៤.ធ្វើទាន៖ វេលាល្អបែបនេះ បើបានធ្វើបុណ្យដាក់ទានពិតជាធ្វើឲ្យមានអារម្មណ៍ល្អខ្លាំងណាស់ ព្រោះបានចូលរួមជួយមួយផ្នែក ដែលជាការងារមនុស្សធម៌។
៥.ស្នាមញញឹម៖ ព្រឹកឡើងមិនគួរធ្វើមុខក្រញូវឡើយ ព្រោះថាជីវិតអ្នកនឹងមិនស្រស់ស្អាតឡើយ។ គួរតែញញឹមតាំងពីក្រោក ហើយបន្តការញញឹមបែបនេះដាក់មនុស្សស្គាល់គ្នាដូចជានៅសាលារៀន កន្លែងធ្វើការ ជាដើម។
៦.និយាយពាក្យ good morning ទៅអ្នកជិតខ្លួន៖ ព្រឹកឡើងគួរតែនិយាយពាក្យនេះទៅកាន់អ្នករស់នៅជាមួយគ្នា និងគ្រប់គ្នាដែរស្គាល់ពេលជួប៕
ចុចអាន៖៦សញ្ញាបង្ហាញថាអ្នកមានខួរក្បាលឆ្លាតជាងមនុស្សទូទៅ មើលខ្លួនឯងមានខ្លះអត់?