ពេលមានស្នេហា បុរសក៏ចាប់ផ្ដើមផ្លាស់ប្ដូរខុសពីមុនដែរ
- 2017-09-12 04:30:00
- ចំនួនមតិ 0 | ចំនួនចែករំលែក 0
ពេលមានស្នេហា បុរសក៏ចាប់ផ្ដើមផ្លាស់ប្ដូរខុសពីមុនដែរ
ពេលបុរសម្នាក់ចាប់ផ្ដើមមានស្នេហា គេនឹងមានការផ្លាស់ប្ដូរជាច្រើន។ គេខ្លួនឯងប្រហែលជាមិនចាប់អារម្មណ៍ទេ ប៉ុន្តែសម្រាប់អ្នកដែលជាសង្សាររបស់គេគឺគ្មានអ្វីពិបាកសម្គាល់ឡើយ៖
១. តែងគាំទ្រអ្នកមិនថារឿងឆ្កួតៗប៉ុណ្ណានោះទេ
នោះក៏ព្រោះតែការស្រឡាញ់ដែលបណ្ដាលឲ្យគេធ្វើបែបនេះ។
២. សុំយោបល់អ្នកមុនសម្រេចចិត្ត
ពីមុនគេប្រហែលជាមនុស្សដែលឯករាជ្យសម្រេចចិត្តខ្លួនឯងភ្លាមៗ តែពេលនេះត្រូវតែសួរសង្សារសិនខ្លាចអ្នកមិនសប្បាយចិត្ត។
៣. គេចេះបារម្ភពីសុខភាពអ្នក
ពីមុនគេមិនដែលខ្វល់រឿងរបស់ញ៉ាំទេ តែពេលនេះគេចេះប្រាប់អ្នកហើយថាញ៉ាំនេះល្អ ឬញ៉ាំនោះមិនល្អ។
៤. គ្មានអ្វីរំភើបជាងបានជួបអ្នកទេ
បានជួបសង្សារម្ដងៗគឺរំភើបជាងជួបតារាបាល់ទាន់ក្នុងដួងចិត្តគេទៅទៀត។
៥. លះបង់
មិនមែនសំដៅលើលះបង់ជីវិតទេណា៎! ការលះបង់នេះបានន័យថាគេនឹងឲ្យអ្នកមានសិទ្ធរើសរឿងដែលត្រូវមើលនៅរោងកុន ឬហាងដែលចង់ចូលញ៉ាំជាដើម។ គេមិនប្រកែកឡើយ។
៦. ធ្វើឲ្យអ្នកញញឹម
ទោះមនុស្សមិននិយាយច្រើនពីមុនក៏ផ្លាស់ប្ដូរដែរ។ គេនឹងព្យាយាមធ្វើឲ្យអ្នកញញឹមឲ្យបានច្រើន។
ទាំងនេះហើយជាសកម្មភាពប្លែកៗរបស់បុរសដែលខុសពីពេលគេនៅ Single។ បើឃើញសង្សារធ្វើបែបនេះ ស្រីៗត្រូវដឹងណា៎ គេពិតជាស្រឡាញ់អ្នកណាស់៕
ចុចអាន៖ ស្ងប់ស្ងាត់តែរឹងមាំ ហេតុអ្វីបុរសបែបនេះគួរឲ្យស្រឡាញ់?