ចង់ឲ្យដៃគូក្លាយជាមនុស្សប្រុសរឹងមាំម្នាក់ គួរតែសាកវិធីសាស្ត្រនេះ

2017-09-09 08:40:00
ចំនួនមតិ 0 | ចំនួនចែករំលែក 0

នៅពេលដែលមនុស្សពីរនាក់ស្រឡាញ់គ្នា គ្មានអ្នកណាចង់ឃើញដៃគូខ្លួនឯងបរាជ័យ ឬក៏ដើរផ្លូវមិនល្អនោះទេ គ្រប់គ្នាតែងចង់ឃើញគាត់ជោគជ័យ ដូច្នេះអ្នកគួរតែមានវិធីសាស្ត្រទាំងនេះក្នុងការជួយជ្រោមជ្រែងគាត់ឲ្យក្លាយជាមនុស្សប្រុសរឹងមាំម្នាក់ ៖

** ១.ផ្ដល់កម្លាំងឲ្យចិត្តគាត់**

.ផ្ដល់កម្លាំងឲ្យចិត្ត និង ការលើកទឹកចិត្តពីមនុស្សដែលខ្លួនឯងស្រឡាញ់គឺមានឥទ្ធិពលណាស់ ព្រោះពេលដែលគាត់បាក់ទឹកចិត្តបំផុត អ្នកជាមនុស្សដែលគាត់ចង់ក្បែរបំផុត ដូច្នេះអ្នកមិនត្រូវទុកឲ្យគាត់ពិបាកចិត្តតែម្នាក់តែឡើយ។

រូបតំណាង

**២. ហ្វឹកហាត់គាត់ឲ្យក្លាយជាមនុស្សមានសមត្ថភាព**

អ្នកត្រូវជួយបង្ហាញជួយប្រាប់គាត់ តែមិនមែនជួយគាត់ទាំងអស់នោះទេ អ្នកត្រូវប្រាប់គាត់ឲ្យហ្វឹកហាត់ខ្លួនឯង ឲ្យគាត់ប្រលូកនឹងរឿងដែលគាត់ត្រូវជួបនៅថ្ងៃក្រោយ ហើយត្រូវជួយបង្កើនសមត្ថភាពគាត់ឲ្យល្អជាងមុន។ ជួយជម្រុញគាត់ឲ្យមានភាពក្លាហាន និង មានភាពជឿជាក់លើខ្លួនឯងជាងមុន។

៣. ជួយជំរុញគាត់ឲ្យអនុវត្តផែនការរបស់គាត់

ពេលខ្លះគាត់មានផែនការហើយតែពិបាកនឹងធ្វើវា ដូច្នេះអ្នកត្រូវតែជួយជំរុញគាត់ ប្រាប់គាត់ ហើយរួមគ្នាអនុវត្តវាជាមួយគាត់ពេលដែលគាត់ត្រូវការអ្នក។ ពេលខ្លះមានអ្នកកំដរ គឺគាត់ពិតជាមានភាពអត់ធ្មត់ និង ភាពរីករាយក្នុងការបន្តក្ដីស្រមៃគាត់ខ្លាំងណាស់

៤. ជួយគាត់ឲ្យចៀសវាងពីសកម្មភាពណាដែលមិនល្អ

ជាគូស្នេហ៍ មិនមែនឪពុកម្ដាយទេ ប៉ុន្តែអ្នកត្រូវហ៊ាននិយាយ ហ៊ានប្រាប់ គាត់ពីអ្វីដែលគាត់កំពុងធ្វើ ថាតើវាល្អឬអាក្រក់ហើយវាអាចប៉ះពាល់ដល់គោលដៅរបស់គាត់ឬអត់? ព្រោះអ្នកតែងតែចង់ឃើញគាត់ជោគជ័យ។

៥. កុំព្យាយាមចង់គ្រប់គ្រងគាត់

អ្នកមិនត្រូវគ្រប់គ្រងគាត់ ឬ ឲ្យ គាត់ធ្វើតាមអ្នកនោះទេ ព្រោះមនុស្សប្រុសមិនចូលចិត្តអ្នកណាគ្រប់គ្រង ឬបញ្ជានោះទេ។ អ្នកត្រូវគោរពតាមការសម្រេចចិត្តគាត់ ហើយមិនត្រូវដាក់សម្ពាធឲ្យគាត់ឡើយ អ្នកគ្រាន់តែធ្វើជាទីប្រឹក្សាគាត់ទៅបានហើយ។

៦. កុំជ្រៀតជ្រែកលើការងារផ្ទាល់ខ្លួនរបស់គាត់

ពេលខ្លះគាត់ក៏មិនចង់ឲ្យអ្នកជ្រៀតជ្រែកលើការងាររបស់គាត់ដែរ ក៏ព្រោះតែគាត់មិនចង់ឲ្យអ្នកស្មុគស្មាញជាមួយគាត់ ឬក៏ពេលខ្លះទៀតដោយសារតែអ្នកមិនទាន់យល់ពីដំណើរការច្បាស់លាស់ វាអាចរឹតតែធ្វើឲ្យគាត់ពិបាកថែមទៀត។ ដូច្នេះបើមិនចាំបាច់ទេ អ្នកកុំលូកលាន់អី។

៧. ជួយគាត់ដោយប្រយោល

ពេលខ្លះគាត់មិនចង់បានការជួយពីអ្នកនោះទេព្រោះគាត់មានអារម្មណ៍ថាខ្លួនគាត់អន់ មិនបានការ គ្រាន់តែរឿងប៉ុណ្ណឹងក៏ធ្វើខ្លួនឯងមិនកើត ដូច្នេះ បើអ្នកដឹងពីស្ថានភាពគាត់ហើយ អ្នកគួរតែជួយគាត់កុំឲ្យគាត់ដឹង ដើម្បីកុំឲ្យគាត់មានសម្ពាធ។

ជាមនុស្សស្រីល្អម្នាក់ត្រូវចេះជួយជ្រោមជ្រែងមនុស្សប្រុសដែលខ្លួនស្រឡាញ់ មិនមែនចាំតែរិះគន់ ចាំតែស្ដីឲ្យឡើយ។

ចុចអាន៖ជីវិតនឹងស្រុតចុះងើបលែងរួច បើអ្នកនៅតែស្ពាយរឿងទាំងនេះតាមខ្លួនរហូត

ប្រភព៖ Psychologytoday ប្រែសម្រួល៖ ផេង ផលធិតា