ជីវិតនឹងស្រុតចុះងើបលែងរួច បើអ្នកនៅតែស្ពាយរឿងទាំងនេះតាមខ្លួនរហូត
- 2017-09-04 07:30:00
- ចំនួនមតិ 0 | ចំនួនចែករំលែក 0
ជីវិតនឹងស្រុតចុះងើបលែងរួច បើអ្នកនៅតែស្ពាយរឿងទាំងនេះតាមខ្លួនរហូត
ពេលខ្លះបើអ្នកបណ្ដោយឲ្យជីវិតអ្នកដុនដាប នោះកុំបន្ទោសអ្នកណា គួរតែបន្ទោសខ្លួនឯង។ ជីវិតមនុស្សម្នាក់ៗសុទ្ធតែមានតម្លៃ និង មានលក្ខណៈពិសេសរៀងៗខ្លួន ប៉ុន្តែវានឹងបាត់បង់បើអ្នកនៅតែស្ពាយរឿងទាំងនេះជាប់ខ្លួនមិនព្រមលែង ៖
១. អ្នកចំណាយពេលច្រើនពេកទៅលើមនុស្ស ឬ អ្វីដែលមិនសំខាន់
ប្រសិនបើអ្នកកំពុងធ្វើដូច្នេះគួរតែបញ្ឈប់ទៅ។ យើងមានតែ ២៤ ម៉ោងក្នុងមួយថ្ងៃដែលយើងអាចប្រើដើម្បីដេក បរិភោគនិង ធ្វើការងារ ដូច្នេះគួរតែចំណាយពេលឲ្យមានប្រយោជន៍ និង សប្បាយចិត្ត។
២. អ្នកប្រើអារម្មណ៍ធ្វើការ មិនមែនខួរក្បាល
អ្នកធ្វើអីតាមតែអារម្មណ៍ គ្មានការគិតពិចារណា។ ការធ្វើបែបនេះវានឹងឲ្យជីវិតអ្នកដុនដាបគ្មានជោគជ័យឡើយ ព្រោះមនុស្សជោគជ័យគេមិនដែលប្រើអារម្មណ៍ធ្វើការឡើយ ព្រោះវាអាចនឹងខុស ហើយគ្មានអ្នកណាគោរព និង ស្រឡាញ់អ្នកនោះទេ។
៣. អ្នកគ្មានចាប់ផ្ដើមធ្វើអីទាំងអស់ ក្រៅពីចាំតែស្រមៃ
ចង់ធ្វើនេះ ចង់បាននោះ តែមិនដែលចាប់ផ្ដើមធ្វើអីទេ គិតតែស្រមៃ គិតតែចង់បាន។ សួរថាតើភាពជោគជ័យណារត់មករកអ្នកបើអ្នកនៅស្ងៀម? គ្មានព្រេងវាសនាល្អណា រត់មករកអ្នកខ្ជិលឡើយ ហើយបើអ្នកចង់បានជីវិតបែបហ្នឹង ក៏បន្តទៀតទៅ។
៤. អ្នកចាំតែប្រៀបធៀបជីវិតខ្លួនឯងទៅនឹងជីវិតគេ
ត្រូវចាំថាជីវិតមនុស្សម្នាក់ៗមិនដូចគ្នាទេ ដូច្នេះមនុស្សដែលយកជីវិតខ្លួនឯងទៅប្រៀបធៀបជាមួយអ្នកដទៃគឺគ្មានថ្ងៃមានក្ដីសុខ និង សុភមង្គលឡើយ។ ចូររីករាយជាមួយជីវិតខ្លួនឯង និង រស់នៅជាខ្លួនឯង ហើយត្រូវធ្វើខ្លួនឲ្យមានតម្លៃ និង បង្កើតជីវិតខ្លួនឯងឲ្យជោគជ័យ។
៥. អ្នកមិនអាចអភ័យទោស និង បំភ្លេចរឿងដែលបានកើតឡើងហើយ
ការអភ័យទោសធ្វើឲ្យមនុស្សមានសន្តិភាពក្នុងចិត្ត ហើយ ការបំភ្លេចគឺនាំមកនូវស្នាមញញឹមជាថ្មី ដូច្នេះក្នុងជីវិតអ្នក បើអាចប្រកាន់យករឿងទាំងពីរនេះបាននោះគឺអ្នកពិតជាអាចរស់នៅដោយសុខសាន្ត គ្មានគំនុំ គ្មានភាពស្អប់ គ្មានកំហឹង និង ការចងចាំអាក្រក់ទៀតឡើយ។
៦. មិនរៀនតែចង់ចេះ
គួរឲ្យអស់សំណើយអត់ ពេលដែលអ្នកមានចំនុចនេះដាក់ខ្លួន។ គ្មានចំណេះដឹងណាមកសណ្ឋិតក្នុងខ្លួនអ្នក បើអ្នកមិនព្យាយាមរៀនសូត្រឡើយ បើចង់ចេះ ត្រូវរៀន ហើយការរៀនមានតម្លៃពេញមួយជីវិតមនុស្ស គ្មានបុគ្គលជោគជ័យ និង បុគ្គលដែលមានជីវិតខ្ពង់ខ្ពស់ណាមិនរៀននោះទេ ដូច្នេះត្រូវតែភ្ជាប់ខ្លួនឯងជាមួយការសិក្សាឲ្យបានច្រើន។
ដូច្នេះហើយការលះបង់នៅទម្លាប់អាក្រក់ គឺជាផ្លូវដែលនាំអ្នកទៅរកសេចក្ដីថ្លៃថ្នូរ និង ខ្ពង់ខ្ពស់៕