វិធី ៥ យ៉ាងរបស់នារី ដាស់សតិមនុស្សប្រុសមិនឲ្យសម្លឹងអ្នកផ្សេង

2017-08-25 07:01:12
ចំនួនមតិ 0 | ចំនួនចែករំលែក 0

មនុស្សប្រុសត្រូវបានគេសម្គាល់ដោយប្រយោគមួយឃ្លាថា «មានមួយមិនស្កប់ មានដប់មិនស្កល់»។ ពួកគេតែងតែសម្លឹងនារីផ្សេងឥតឈប់ឈរ បើទោះបីជាខ្លួនមានមនុស្សជាទីស្រឡាញ់រួចហើយក៏ដោយ ប៉ុន្តែនោះព្រោះតែពួកគេមិនបានទទួលចំណុចពិសេសទាំង ៥ យ៉ាងខាងក្រោមនេះពីមិត្តស្រីរបស់ខ្លួនប៉ុណ្ណោះ៖

១. ចេះវិធីលួងឱ្យមិត្តប្រុសត្រជាក់ចិត្ត៖ មិត្តស្រីភាគច្រើនតែងតែព្យាយាមប្រើធម៌ក្តៅ ឬស្តីបន្ទោសឲ្យមិត្តប្រុសតាមតែកំហឹង ដែលចេញភាពប្រច័ណ្ឌហួងហែង។ ពួកគេមិនសូវចេះប្រើវិធីលួងលោមតាមបែបត្រជាក់ផ្អែមល្អែម ធ្វើឲ្យមិត្តប្រុសរម្ងាប់កំហឹងឡើយ។ ត្រូវចាំថាកាយវិការ និងពាក្យសម្តីទន់ភ្លន់គឺជាអាវុធបង្រ្កាបគេបាន។

រូបតំណាង

**២. ការសម្របខ្លួន៖** មនុស្សស្រីតែងតែមានចរិតពីធម្មជាតិមួយគឺចង់ឲ្យគេ តាមស្វែងយល់ពីខ្លួនគ្រប់ជំហាន។ ប៉ុន្តែនាងក៏ប្រហែលជាភ្លេចខ្លួនហើយថា ពេលខ្លះមិត្តប្រុសក៏ចង់ឲ្យរៀនសម្របតាម និងយល់ពីគេគ្រប់ជំហានវិញដែរ។

៣. ភាពជឿជាក់៖ ស្រីៗគួរបង្ហាញពីភាពជឿជាក់របស់នាងទៅកាន់មិត្តប្រុស នូវរាល់ការសម្រេចចិត្តផ្សេងៗរបស់គាត់ ព្រោះវាបញ្ជាក់ថាអ្នកផ្តល់តម្លៃ និងលើកតម្កើងគាត់។

រូបតំណាង

៤. ផ្តល់សេរីភាព៖ មិត្តប្រុសត្រូវការពេលវេលាផ្ទាល់ខ្លួន ដើម្បីជួបជុំមិត្តភក្តិ និងធ្វើអ្វីដែលគេចង់ធ្វើ មិនមែនត្រូវតែនៅក្បែរ ឬកំដរសង្សារគ្រប់ពេលពេកនោះទេ។

៥. ភាពស្មោះត្រង់៖ ចង់ឲ្យមិត្តប្រុសឈប់សម្លឹងអ្នកផ្សេង លុះត្រាតែខាងស្រីបង្ហាញភាពស្មោះត្រង់ទៅគាត់ដោយមិនសម្លឹងអ្នកផ្សេងដូចគ្នា៕

ចុចអាន៖ប្រុសៗមានសង្សារចរិតអាឡិកអាឡក់បន្តិចមានអីមិនល្អ!

ចុចអាន៖បើមិត្តប្រុសហ៊ានធ្វើចំណុចទាំងនេះ គួរតែដាច់គ្នាឱ្យហើយទៅ ព្រោះ...

ប្រភព៖ Mthai ប្រែសម្រួល៖ អ៊ុង រ័ត្នបញ្ញា