ប្រុសៗមានសង្សារចរិតអាឡិកអាឡក់បន្តិចមានអីមិនល្អ!

2017-08-23 13:00:00
ចំនួនមតិ 0 | ចំនួនចែករំលែក 0

គូស្នេហ៍មិនតិចទេដែលមានបញ្ហាបែកបាក់ព្រោះតែការមិនយល់ចិត្តគ្នា អ្នកខ្លះក៏រអ៊ូរទាំថាដៃគូរបស់ខ្លួនគ្មានគំនិតចាស់ទុំនិងចេះគិតគូបានវែងឆ្ងាយឡើយ។ ប៉ុន្តែតាមពិត ការដែលមានសង្សារចរិតកូនក្មេងនិងលេងសើចច្រើនបន្តិច ក៏អាចធ្វើឱ្យជីវិតស្នេហាពោរពេញទៅដោយភាពផ្អែមល្អែមមួយចំនួនដូចខាងក្រោមបានដែរ៖

១. គេជាមនុស្សហូងហែងការពារ៖ អាចថានាងចូលចិត្តប្រច័ណ្ឌច្រើនបន្តិច ប៉ុន្តែនោះក៏ព្រោះតែនាងស្រឡាញ់ខ្លាំង និងចង់ការពារបុរសជាទីស្រលាញ់ឲ្យគេចផុតពីកណ្តាប់ដៃស្រីដទៃ។

រូបតំណាង

**២. ចេះលួងឲ្យសប្បាយចិត្ត៖** ព្រោះគេជាមនុស្សដែលចូលចិត្តលេងសើចច្រើន ដូច្នេះមិនថាអ្នកកើតទុក្ខយ៉ាងណាក៏ដោយ គេនឹងបញ្ចេញកាយវិការកំប្លែងៗធ្វើឲ្យគេសើចចេញទាល់តែបាន។

រូបតំណាង

៣. ធ្វើឲ្យមានអារម្មណ៍ស្រស់ស្រាយ៖ ភាពកំប្លុកកំប្លែងរបស់មិត្តស្រី គឺជាថ្នាំបំបាត់ភាពអផ្សុក ដែលធ្វើជួយឲ្យបុរសមានអារម្មណ៍ស្រស់ថ្លាគ្រប់ពេល។

៤. ងាយធ្វើឲ្យរំជួលចិត្ត៖ មនុស្សស្រីចរិតបែបនេះងាយនឹងបញ្ចេញអារម្មណ៍សប្បាយចិត្ត និងអារម្មណ៍សោកសៅរបស់គេចេញមកណាស់ ហើយកាយវិការធម្មជាតិរបស់គេនេះហើយដែលធ្វើឲ្យសង្សារងាយនឹងរំជួលចិត្ត។

៥. ជាមនុស្សស្មោះនឹងស្នេហ៍៖ ដោយសារគេព្យាយាមប្រើគ្រប់វិធីទាំងធ្វើឆ្កួតធ្វើជា នេះហើយ ដែលបញ្ជាក់ថាជាមនុស្សស្មោះនឹងស្នេហាខ្លាំង៕