ល្បិចឆ្លាតវៃទាំង ១០ ជួយឲ្យជីវិតស្ត្រីកាន់តែងាយស្រួល

2017-08-10 03:05:00
ចំនួនមតិ 0 | ចំនួនចែករំលែក 0

គ្រប់ស្ត្រីទាំងអស់គ្មាននរណាមិនចង់ស្អាតនោះទេ ប៉ុន្តែដោយសារតែភាពរវល់ច្រើនពីមួយថ្ងៃទៅមួយថ្ងៃធ្វើឲ្យយើងមិនសូវមានពេលថែរក្សាសម្ផស្សខ្លួនឯងបាន។ ទោះបែបនេះក្ដីល្បិចងាយៗទាំង ១០ ខាងក្រោមនេះអាចជួយអ្នកបានដោយមិនចំណាយពេលច្រើននោះទេ៖

១. ក្រូចឆ្មា និងទឹកឃ្មុំ៖ វាអាចជួយកម្ចាត់មុនក្បាលខ្មៅយ៉ាងមានប្រសិទ្ធភាពប្រសិនបើយើងប្រើជាប្រចាំ។

២. ខ្មៅដៃគូសភ្នែក និងក្រែមលាបមាត់កុំឲ្យប្រេះ៖ ចំពោះខ្មៅដៃគូសដែលរឹងពិបាកប្រើ អ្នកគ្រាន់តែយកក្រែមលាបមាត់មកលាបលើនោះជាការស្រេច។

៣. ផាត់ត្របកភ្នែក៖ អ្នកគ្រាន់តែគូសសញ្ញា Hashtag (#) នៅលើនោះហើយយកជក់មកផាត់ពីលើគឺរួចរាល់។

៤. យកដបលញ់ក្លៀកមកម៉ាស្សាមុខ៖ ចំពោះដបដែលប្រើអស់គួរកុំអាលបោះចោលព្រោះអ្នកអាចយកវាមកម៉ាស្សាពេលលាងមុខបាន។

៥. ពាក់ស្បែកជើងកែង៖ ដើម្បីកុំឲ្យឈឺជើងអ្នកអាចបិទម្រាមជើងពីរដូចរូបខាងក្រោមដើម្បីកាត់បន្ថយសម្ពាធ។ ធ្វើដូចនេះអ្នកអាចរីករាយពាក់ស្បែកជើងកែងប៉ុន្មានម៉ោងក៏បានដែរ។

៦. ក្រែមកោររោម និងស្ករ៖ លាយវត្ថុទាំងពីរនេះចូលគ្នាហើយមកលាបលើស្បែកអាចជួយឲ្យស្បែកទន់រលោងបាន។

៧. Eyeliner និងទឹកសម្រាប់លាងកញ្ចក់កែងភ្នែក (Contact lens)៖ ដើម្បីឲ្យ Eyeliner ដែលមានសភាពរឹងក្លាយជាទន់មកវិញ អ្នកគ្រាន់តែយកទឹកលាង Contact lens មកលាបលើវាជាការស្រេច។

៨. បបូរមាត់ និងថ្នាំដុសធ្មេញ៖ តាមពិតថ្នាំដុសធ្មេញអាចជួយឲ្យបបូរមាត់យើងមានសំណើម និងស្រស់ស្អាតបាន។ គ្រាន់តែលាបថ្នាំដុសធ្មេញលើបបូរមាត់ហើយទុក ២-៣ នាទីមុនលាងចេញជាការស្រេច។

៩. ក្រូចឆ្មាលាបកែងជើង៖ ក្រូចឆ្មាជាថ្នាំដ៏ពូកែក្នុងការព្យាបាលកែងជើងដែលស្ងួត និងប្រេះ។

១០. ដង្កៀបខោអាវនិងគ្រឿងតែងសក់៖ ដោយសារគ្រឿងតែងសក់មានច្រើន វាអាចបង្កភាពរញ៉េរញ៉ៃបាន។ ដើម្បីជៀសវាងបញ្ហានេះអ្នកអាចទុកដាក់របស់ទាំងនោះដោយប្រើដង្កៀបខោអាវ៕