ក្នុងជីវិតពេលខ្លះអ្នកអាចដើរទៅមុខយឺត តែមិនត្រូវឈប់ដាច់ខាត

2017-08-02 09:15:03
ចំនួនមតិ 0 | ចំនួនចែករំលែក 0

វាជារឿងចាំបាច់ដែលអ្នកត្រូវតែដើរទៅមុខជានិច្ចមិនថាមានរឿងអ្វីកើតឡើងក៏ដោយ។ ក្នុងការរស់នៅពេលខ្លះអ្នកអាចមានអារម្មណ៍ថាហត់នឿយ ចង់ឈប់ និងចង់បោះបង់ចោលប៉ុន្តែបើអ្នកធ្វើដូច្នេះមែនអ្នកនឹងបរាជ័យ។ សុខចិត្តឈានទៅមុខយឺតតែកុំបោះបង់ឲ្យសោះ។

១. ព្យាយាមធ្វើអ្វីៗឲ្យអស់ពីលទ្ធភាព៖ បើទោះជាលទ្ធផលមិនបានគាប់ចិត្តក៏អ្នកដឹងថាអ្នកបានប្រឹងប្រែងអស់ពីលទ្ធភាពហើយ មិនមានការសោកស្ដាយទេ។

២. គ្មាននរណាល្អឥតខ្ចោះទេ៖ ពេលខ្លះការប្រព្រឹត្តកំហុសអាចកើតឡើង។ អ្វីដែលសំខាន់គឺត្រូវទទួលស្គាល់និងកែកំហុសនោះ។

៣. ប្រណាំងនឹងខ្លួនឯងរាល់ថ្ងៃ៖ កុំចង់ធ្វើអ្វីដែលស្រួល ឬងាយឲ្យសោះព្រោះវានឹងមិនផ្ដល់ប្រយោជន៍អ្វីសម្រាប់អ្នកទេ។ ត្រូវរៀនស្វែងយល់អ្វីដែលថ្មីជានិច្ច។

៤. រៀនធ្វើអ្វីៗដោយខ្លួនឯង៖ ឬអាចនិយាយម្យ៉ាងទៀតថារៀនរស់ដោយឯងរាជ្យ។ ត្រូវហ៊ានធ្វើអ្វីៗដោយមិនចាំបាច់ពឹងពាក់អ្នកដទៃ។

៥. ស្គាល់ពីសមត្ថភាពរបស់ខ្លួន៖ តើអ្នកកំពុងស្ថិតក្នុងកម្រិតណា? តើពេលណាដែលត្រូវសម្រាកដើម្បីយកកម្លាំងបន្តទៅមុខទៀត? ការធ្វើបែបនេះអាចជួយឲ្យអ្នកឈានទៅមុខមិនចុះចាញ់៕