ចង់នៅក្មេងជាងវ័យ រស់បានយូរ គួរញ៉ាំគ្រាប់ជីជាប្រចាំ

2017-08-07 00:41:00
ចំនួនមតិ 0 | ចំនួនចែករំលែក 0

គ្រាប់ជីត្រូវបានគេចាត់ទុកជាអាហារដែលមានប្រយោជន៍ច្រើនបំផុតចំពោះសុខភាពរាងកាយ និងខួរក្បាល។ វាជាប្រភពដ៏ល្អបំផុតនៃអាស៊ីតខ្លាញ់ដែលមានអូម៉េហ្កា៣ ប្រឆាំងអុកស៊ីតកម្ម និងមានកាកសរសៃសម្រួលដល់ការរំលាយអាហារ។ ក្រៅពីនេះ វាក៏មានផ្ទុកនូវ វីតាមីន B, C, D និង E រួមជាមួយសារធាតុខនិជដូចជា ម៉ាញេស្យូម ម៉ង់កាណែស ស័ង្កសី ប៉ូតាស្យូម កាល់ស្យូម និងហ្វូស្វ័រផងដែរ។

តោះមកដឹង អត្ថប្រយោជន៍ដ៏ច្រើនលើសលប់របស់គ្រាប់ជីដែលជួយឱ្យអ្នកបរិភោគអាចរស់បានយូរ និងមានសុខភាពល្អ៖

ប្រឆាំងជំងឺមហារីក៖

ដោយសារវាមានសារធាតុប្រឆាំងអុកស៊ីតកម្មខ្ពស់ គ្រាប់ជីអាចចូលទៅទប់ស្កាត់រ៉ាឌីកាល់សេរីទាំងឡាយណាដែលនឹងបំផ្លាញម៉ូលេគុលក្នុងកោសិកា និងឈានទៅរកភាពចាស់ និងជំងឺមហារីកបានយ៉ាងខ្លាំងក្លា។

សុខភាពឆ្អឹង៖

ជាតិម៉ាញេស្យូម កាល់ស្យូម ហ្វូស្វ័រ ម៉ង់កាណែស និងប្រូតេអ៊ីនជាប្រភពដ៏អស្ចារ្យមួយសម្រាប់ការលូតលាស់នៃធ្មេញ ក្រចក និងឆ្អឹង។

សុខភាពខួរក្បាល៖

អាស៊ីតខ្លាញ់ដែលមានអូម៉េហ្កា៣ មានសមត្ថភាពក្នុងការថែទាំសុខភាពខួរក្បាលឱ្យនៅបានល្អ។ វាអាចជួយកាត់បន្ថយអត្រារលាកខួរក្បាល ហើយថែមទាំងជួយពង្រឹងមុខងារខួរក្បាល ការចងចាំ និងទប់ស្កាត់ការចុះខ្សោយរបស់ខួរក្បាល។

ទប់ស្កាត់ជំងឺទឹកនោមផ្អែម៖

គ្រាប់ជីត្រូវបានណែនាំជាពិសេសសម្រាប់អ្នកដែលមានកម្រិតជាតិស្ករច្រើននៅក្នុងឈាម ព្រោះវាមានជាតិកាកសរសៃដែលអាចចូលទៅបន្ថយកម្រិតជាតិស្ករទាំងនោះ និងកាត់បន្ថយការប្រឈមនឹងជំងឺបេះដូង និងទឹកនោមផ្អែមបានយ៉ាងប្រសើរ។

ប្រើតែចេកមួយមុខ អាចឱ្យគេងលក់ស្រួល ខ្លាំងជាងថ្នាំងងុយគេងទៀត!

សុខភាពបេះដូង៖

សារធាតុមានប្រយោជន៍ទាំងឡាយដែលមានក្នុងគ្រាប់ជីបានជួយកាត់បន្ថយអត្រានៃជំងឺគាំងបេះដូងបានក្នុងភាគរយខ្ពស់។ មិនតែប៉ុណ្ណោះ វាក៏ជួយបន្ថយខូលេស្តេរ៉ូលនៅក្នុងរាងកាយ ជួយបញ្ចេញជាតិខ្លាញ់ពីក្នុងសរសៃឈាមមកខាងក្រៅបានទៀតផង។

ញុំាអាហារទាំងនេះខុសពេល ក៏អាចប៉ះពាល់ដល់សុខភាពដែរ

ជួយសម្រកទម្ងន់៖

កាកសរសៃរបស់គ្រាប់ជីអាចជួយសម្រួលការស្រូបយកជាតិអាហារនៅក្នុងរាងកាយ និងជួយបង្កើនកម្រិតនៃភាពឆ្អែតក្នុងខ្លួនបាន។ ដោយសារតែជាតិប្រូតេអ៊ីនដែលមាន វាអាចកាត់បន្ថយអារម្មណ៍ឃ្លាន ទើបធ្វើឱ្យអ្នកបរិភោគមិនងាយឡើងគីឡូផ្ដេសផ្ដាស៕

ប្រភព៖ juicing for health ប្រែសម្រួល៖ សរ សុគន្ធី