នេះជាកំហុសដែលកូនក្រមុំច្រើនធ្វើនៅថ្ងៃរៀបការ

2017-07-20 08:52:19
ចំនួនមតិ 0 | ចំនួនចែករំលែក 0

ជាមួយនឹងភាពរវល់រៀបគម្រោង និងការសម្រេចចិត្តផ្សេងៗច្រើននៅថ្ងៃរៀបការ វាប្រាកដណាស់ថាកំហុសអាចកើតឡើងជាពិសេសចំពោះកូនក្រមុំតែម្ដង។ ខាងក្រោមនេះគឺជាកំហុស ៧ យ៉ាងដែលកូនក្រមុំច្រើនមិនបានចាប់អារម្មណ៍៖

១. រើសឈុតរៀបការខុស៖ អ្នកគួររើសរ៉ូបដែលត្រូវនឹងខ្លួនមិនមែនរ៉ូបដែលអ្នកឃើញស្អាតទេព្រោះវាអាចខុសជាមួយរាងអ្នក។

២. មិនបានគិតពីខ្លួនឯង៖ ពេលជិតដល់ថ្ងៃរៀបការ អ្នកតែងរវល់ច្រើនរៀបនេះរៀបនោះ រើសនេះរើសនោះរហូតដល់ភ្លេចគិតពីខ្លួនឯង។ កុំភ្លេចឲ្យសោះថាអ្នកជាមនុស្សសំខាន់បំផុតក្នុងពិធីនេះ។ ត្រូវថែខ្លួនឲ្យបានល្អ។

៣. គិតពីភ្ញៀវតែភ្លេចគិតអ្នកជិតដិត៖ គឺចង់សំដៅដល់មិត្តភ័ក្ដិជិតដិត ឬបងប្អូនជាដើម។ ភ្ញៀវទាំងនេះត្រូវតែរៀបចំជាពិសេសបំផុត។

៤. តមអាហារជ្រួល៖ ជំនួសឲ្យការញ៉ាំអាហារដែលសម្បូរដោយប្រូតេអ៊ីន កូនក្រមុំភាគច្រើនបែរជាប្រឹងបង្អត់អាហារដើម្បីឲ្យស្គមទៅវិញ។ វាមិនល្អចំពោះសុខភាពទេ ជាពិសេសពេលអ្នកត្រូវការកម្លាំងដើម្បីរៀបពិធីឲ្យបានរលូន។ គួររើសអាហារដែលល្អចំពោះសុខភាពជាជាងបង្អត់ខ្លួនឯងគ្រប់យ៉ាង។

៥. មិនបានប្រយ័ត្នរឿងចិញ្ចៀនភ្ជាប់ពាក្យ៖ ដោយសារតែត្រូវដោះគ្រឿងតុបតែងចុះឡើងៗ មានកូនក្រមុំមិនតិចទេដែលភ្លេចចិញ្ចៀនភ្ជាប់ពាក្យមិនដឹងដាក់នៅឯណា។

៦. មិនបានគិតពីអាហាររបស់អ្នកកំដរ ឬ អ្នកថត៖ នេះក៏ដោយសាររវល់តែជាមួយភ្ញៀវពេក។ កុំភ្លេចថាពួកគេក៏ជាមនុស្សសំខាន់ក្នុងពិធីដែរ។

៧. មិនបានរាក់ទាក់ភ្ញៀវគ្រប់គ្នា៖ វាអាចជាការពិបាកក្នុងការរាក់ទាក់គ្រប់គ្នាណាស់។ យល់ល្អអ្នកគួរព្រាងមុនថាគួរទៅរាក់ទាក់តុណាមុនតុណាក្រោយក៏ជាការប្រសើរម្យ៉ាងដែរ៕