នេះជាចំណុចដែលមិត្តភ័ក្ដិស្រីៗយើងល្អជាងមិត្តប្រុស

2017-07-19 04:58:48
ចំនួនមតិ 0 | ចំនួនចែករំលែក 0

មិនថាមានរឿងអ្វីកើតឡើង យើងនៅតែអាចងើបឈរ និងដើរទៅមុខជានិច្ចដរាបណាយើងមានមិត្តភ័ក្ដិជិតស្និទ្ធនៅក្បែរ ចាំគាំទ្រ និងលើកទឹកចិត្ត។ ចំណែកមិត្តប្រុសវិញ អ្នកខ្លះចូលមកក្នុងជីវិតយើងហើយក៏ចេញទៅវិញ ឯអ្នកខ្លះទៀតត្បិតថានៅបានយូរប៉ុន្តែនៅតែមិនអាចប្រដូចទៅនឹងចំណងមិត្តភាពដែលយើងបានសាងជាមួយមិត្តជិតស្និទ្ធ៖

១. មិនចាំបាច់អៀនខ្មាស៖ មិនថានិយាយរឿងអ្វីគឺនិយាយអស់ពីចិត្តតែម្ដងមិនចាំបាច់ត្រូវលាក់បាំង ។ តែបើធ្វើបែបនេះជាមួយមិត្តប្រុសគឺមិនងាយប៉ុន្មានទេ។

២. ពួកគេអាចឲ្យដំបូន្មានល្អៗដល់យើង៖ តើអ្នកមានដែលកត់ចំណាំទេថាដំបូន្មានដែលល្អច្រើនចេញពីមិត្តជិតដិត ឬពីបងប្អូនជិតដិតរបស់យើងជាជាងពីមិត្តប្រុសព្រោះពួកគេដឹងពីយើងច្រើន។

៣. ចាំសូម្បីរឿងតូចតាចរបស់យើង៖ សូម្បីរឿងមិនសូវសំខាន់ប៉ុណ្ណាក៏មិត្តល្អមិនដែលភ្លេចដែររាប់តាំងពីកាហ្វេដែលយើងចូលចិត្ត រឿងសំណព្វចិត្ត ឬ Crush ដែលយើងធ្លាប់មានជាដើម។ ចំណែកមិត្តប្រុសវិញ គេប្រហែលចាំតែរឿងធំដុំប៉ុណ្ណោះ។

៤. ចូលចិត្តអ្វីៗដូចគ្នា៖ នេះគឺជាហេតុផលសំខាន់ដែលយើងអាចក្លាយជាមិត្តជិតស្និទ្ធបាន។

៥. ពួកគេអាចអភ័យទោសឲ្យយើង៖ ទោះបីជាមានរឿងមិនត្រូវគ្នា តែឱកាសដែលមិត្តល្អបែរខ្នងចេញពីយើងគឺមានតិចណាស់។ ចំពោះមិត្តប្រុសវិញ វាអាចជារឿងពិបាកបន្តិចហើយ៕