គន្លឹះ ៥ យ៉ាង ស្រីៗអាចអភិវឌ្ឍខ្លួនឲ្យពូកែនៅកន្លែងការងារ

2017-07-14 07:30:00
ចំនួនមតិ 0 | ចំនួនចែករំលែក 0

តើគួរធ្វើយ៉ាងណាដើម្បីអាចក្លាយខ្លួនជាអ្នកលេចធ្លោម្នាក់នៅកន្លែងធ្វើការ? ប្រាកដណាស់ថាវាទាមទារឲ្យយើងចាំបាច់ត្រូវចេះវិវត្តខ្លួនដោយផ្អែកលើចំណុចជាច្រើន៖

១. បង្កើតភាពលេចធ្លោ៖ មិនមានស្ត្រីច្រើនទេដែលអាចសម្រេចវាបាន។ អ្នកចាំបាច់ត្រូវសាងវាឡើងបន្តិចៗម្ដងរាប់តាំងពីការហ៊ានបញ្ចេញគំនិតនៅកន្លែងការងារ ឬ ពេលប្រជុំ ហ៊ានសម្រេចចិត្ត ឬ និយាយទៅកាន់អ្នករួមការងារឲ្យបានច្រើនជាងមុនជាដើម។

២. មានទំនុកចិត្ត៖ ព្យាយាមរកឲ្យឃើញនូវចំណុចខ្លាំងរបស់ខ្លួន និងប្រើវាឲ្យបានច្រើនតាមដែលអាចធ្វើបាន។

៣. សាងទំនាក់ទំនង៖ ព្រោះវាសំខាន់អាចកំណត់ភាពជោគជ័យរបស់យើងបាន។ ត្រូវចេះទាក់ទង និងសាងទំនុកចិត្តជាមួយអ្នករួមការងារឲ្យដូចជាបងប្អូនអញ្ចឹង។

៤. បង្កើតគម្រោង៖ តើអ្នកចង់សម្រេចអ្វីនៅរយៈពេល ៥ខែ ១ឆ្នាំ ឬ ៥ ឆ្នាំទៅមុខ។ ធ្វើគម្រោងឲ្យច្បាស់លាស់ដើម្បីឲ្យយើងដឹងថាយើងត្រូវទៅណា។

៥. មានភាពដឹងនាំក្នុងខ្លួន៖ អ្វីដែលអ្នកត្រូវចាំគឺថាជំនាញដឹងនាំមិនមែនកើតមកមានស្រាប់ទេ តែវាជាអ្វីដែលយើងអាចរៀនបាន។ ត្រូវបណ្ដុះស្មារតីដឹងនាំឲ្យមានក្នុងខ្លួនជានិច្ច៕