Chompoo, Mai និង Mew ចេញបង្អួតសម្រស់លើកម្រាលព្រំនៅសៀងហៃ

2017-06-18 03:14:33
ចំនួនមតិ 0 | ចំនួនចែករំលែក 0

តារាសម្ដែងស្រីជួរមុខថៃ៣រូបគឺ Chompoo Araya, Mai Davika និង Mew Nittha បានធ្វើដំណើរទៅបង្ហាញសម្រស់ទាំងអស់គ្នាលើកម្រាលព្រំក្រហមនៃកម្មវិធីមហោស្រពភាពយន្តអន្តរជាតិសៀងហៃឆ្នាំ២០១៧ កាលពីថ្ងៃទី១៧ ខែមិថុនា ម្សិលមិញ នៅទីក្រុងសៀងហៃ ប្រទេសចិន។

បើទោះជាកៀកដល់ខែដល់ថ្ងៃដែលត្រូវសម្រាលក៏ដោយ ប៉ុន្តែ Chompoo Araya ក៏នៅឆ្លៀតទៅបង្ហាញមុខមិនអាចខ្វះបានក្រោយទទួលបានការអញ្ជើញពីក្រុមហ៊ុននាឡិកាល្បីមួយ ដែលលើកនេះអនាគតម្ដាយកូនភ្លោះរូបនេះ ក៏មិនធ្វើឲ្យអ្នកគាំទ្រខកចិត្តដែរ ជាមួយឈុតរ៉ូបយ៉ាងប្រណិតពីប្រ៊េន Ralph & Russo Haute Couture។

ងាកមកតារាសម្ដែងរលកក្រោយ Mai Davika វិញក៏ទាក់ទាញចំណាប់អារម្មណ៍មិនធម្មតាដែរជាមួយឈុតពិសេសពណ៌សពីប្រ៊េន Meshmuseum ព្រមទាំងបាននាំយកស្នាដៃភាពយន្តចុងក្រោយរបស់ខ្លួនរឿង "Suddenly Twenty” ទៅបញ្ចាំងក្នុងកម្មវិធីនោះទៀតផង។

ចំណែកតារាសម្ដែង Mew Nittha ក៏បានចូលរួមដែរក្នុងនាមជាតារាសម្ដែងក្នុងខ្សែភាពយន្ត "A Gift” ហើយក៏បាននាំភាពយន្តនេះទៅបញ្ចាំងក្នុងកម្មវិធីផងដែរ និងមានអ្នកគាំទ្រជនជាតិចិនទៅទទួលស្វាគមន៍យ៉ាងកក់ក្ដៅ។

ចង់ដឹងថាម្នាក់ៗស្រស់ស្អាតយ៉ាងណានោះ សូមទស្សនារូបភាពខាងក្រោមនេះតែម្ដង៖

Chompoo Araya