ភាសាកាយវិការទាំង ៦ របស់បុគ្គលជោគជ័យដែលស្រីៗយើងគួរអនុវត្តតាម

2017-06-10 03:27:54
ចំនួនមតិ 0 | ចំនួនចែករំលែក 0

តើអ្នកដឹងទេថាមនុស្សម្នាក់ៗសុទ្ធតែមានភាសាកាយវិការរៀងៗខ្លួនដែលអាចឲ្យអ្នកផ្សេងយល់បានថាយើងជាមនុស្សដូចម្ដេច។ ការសិក្សាបានបង្ហាញថាមនុស្សដែលដឹងពីគន្លឹះប្រើភាសាកាយវិការត្រឹមត្រូវច្រើនក្លាយជាបុគ្គលដែលទទួលជោគជ័យ។

១. អង្គុយឲ្យត្រង់ខ្លួន៖ ជៀសវាងអង្គុយកោងខ្លួនពេលកំពុងសន្ទនា តែត្រូវអង្គុយត្រង់ខ្លួនជានិច្ចទើបមើលទៅមានទំនុកចិត្ត និងមានអំណាច។

២. កុំខ្វែងដៃឲ្យសោះ៖ ព្រោះវាជាសញ្ញាប្រាប់ទៅដៃគូថា «ខ្ញុំមិនយល់ស្របជាមួយអ្នកទេ»។ ទោះបីយើងញញឹមពេលកំពុងនិយាយក៏ដោយ ការខ្វែងដៃមិនមែនជាកាយវិការល្អទេ។

៣. កុំចេះតែវែកសក់ ឬប៉ះសក់ពេលនិយាយ៖ នេះជាកាយវិការបង្ហាញថាអ្នកមិនយកចិត្តទុកដាក់ពីសម្ដីរបស់ដៃគូទេ។

៥. ញញឹម៖ ត្រូវចេះញញឹមជានិច្ចទើបធ្វើឲ្យអារម្មណ៍យើងស្ងប់ទោះស្ថិតក្នុងស្ថានភាពលំបាក ឬ តឹងតែងបែបណាក៏ដោយ។

៥. ខ្សែភ្នែក៖ វាជាគន្លឹះសំខាន់បំផុតនៃភាសាកាយវិការដែលត្រូវយកចិត្តទុកដាក់។ ត្រូវចាំថាបើយើងគេចពីខ្សែភ្នែកដៃគូសន្ទនា វាប្រៀបដូចយើងកំពុងលាក់បាំងអ្វីមួយអញ្ចឹង។ ត្រូវសម្លឹងបែបធម្មជាតិ (មិនមែនសម្លក់) ទៅដៃគូជានិច្ច។

៦. ត្រូវចាប់ដៃដោយជឿជាក់៖ ព្រោះវាបង្ហាញពីទំនុកចិត្តរបស់យើង។ កុំចាប់ដៃរបៀបខ្សោយៗឲ្យសោះ៕