រឿង​៦​យ៉ាង​ធ្វើ​មុន​ចូល​គេង​ល្អ​បំផុត​សម្រាប់​សុខភាព​ និង​សម្រស់

  • 2017-06-01 08:49:11
  • ចំនួនមតិ 0 | ចំនួនចែករំលែក 0

បន្ទាប់​ពី​ធ្វើ​ការ​​ពេញ​មួយ​ថ្ងៃ​ រឿង​មួយ​ដែល​យើង​នឹក​ឃើញ​បន្ទាប់​ពី​មក​ដល់​ផ្ទះ​គឺ​គេង។ ប៉ុន្តែ​ ទោះ​ហត់​ក៏​ដោយ​​អ្នក​មិន​គួរ​គេង​ភ្លាម​ៗ​​ទាំង​អញ្ចឹង​ដែរ​​ ព្រោះ​វា​អាច​ធ្វើ​ឲ្យ​​សុខភាព​ និង​សម្រស់​​ធ្លាក់​ចុះ​បាន​។ យល់​ល្អ​គួរ​ធ្វើ​រឿង​ខាង​ក្រោម​នេះ​សិន៖

១. ងូត​ទឹក៖ វា​មាន​ប្រយោជន៍​មិន​ត្រឹម​តែ​ជួយ​សម្អាត​ខ្លួន​ទេ​ តែ​ថែម​ទាំង​ជា​វិធី​ដ៏​មាន​ប្រសិទ្ធភាព​ក្នុង​ការ​កាត់​បន្ថយ​ស្ត្រេស និង​ធ្វើ​ឲ្យ​ស្រស់ស្រាយ​​ផង​ដែរ។​ វា​ជួយ​ឲ្យ​យើង​គេង​លក់​ស្រួល​ ហើយ​ងើប​ឡើង​ពេល​ព្រឹក​ជាមួយ​នឹង​ភាព​ស្រស់ស្រាយ។​

២. លាង​ជម្រះ​ Makeup ចេញ​៖ ព្រោះ​បើ​យើង​គេង​ទាំង​ក្រែម​ម្សៅ​ វា​អាច​ប៉ះ​ពាល់​ស្បែក​មុខ​បណ្ដាល​ឲ្យ​កើត​មុន​បាន។​

៣. ប្រើ​ឡេ​ជំនួយ​ស្បែក​ពេល​យប់៖ អ្នក​គួរ​ប្រើ​ក្រែម​លាប​ពេល​យប់​បន្ទាប់​ពី​ងូត​ទឹក​ហើយ​ដើម្បី​ជំនួយ​ស្បែក​ឲ្យ​កាន់​តែ​ស្រស់​ស្អាត។​

៤. ដុស​ធ្មេញ​៖ បើ​មិន​ចង់​​ស្រែក​​រោទ៍​ចូល​ពេទ្យ​ធ្មេញ​ទេ​ហាម​ដាច់ខាត​រឿង​ខ្ជិល​ដុះ​ធ្មេញ​ពេល​យប់​​មុន​ចូល​គេង​។​

៥. ដឹង​ម៉ោង​គេង​ឲ្យ​ត្រឹមត្រូវ៖ ​គួរ​គេង​ចន្លោះ​ពី​ ៧-៨ ម៉ោង​ ប៉ុន្តែ​តើ​អ្នក​ដឹងទេ​ថា​គេង​ម៉ោង​ណា​ល្អ​បំផុត​សម្រាប់​សុខភាព​? តាម​ពិតទៅ ​ចន្លោះ​ពី​ម៉ោង​ ១១​ ដល់​ម៉ោង​ ៣​ គឺ​ជា​ពេល​ដែល​រាង​កាយ​យើង​ជម្រុះ​កោសិកា​ចាស់​នឹង​ជំនួស​ដោយ​កោសិកា​ថ្មី។ ដូច្នេះ​ យើង​គួរ​ចូល​គេង​នៅ​ប្រហែល​ម៉ោង​ ១១ ​​នេះ​ជា​ការ​ល្អ​បំផុត។

៦. សមាធិ៖ មិន​ខុស​ទេ​គឺ​សមាធិ។​ វា​ជា​ជំនួយ​ពិសេស​សម្រាប់​អ្នក​ដែល​ស្មុគស្មាញ​ខ្លាំង​ហើយ​ចង់​ឲ្យ​ខួរ​ក្បាល​បាន​សម្រាក​ខ្លះ។ សមាធិ​នឹង​ជួយ​សុខភាព​អ្នក​បាន​ច្រើន​មិន​គួរ​ឲ្យ​ជឿ៕

អាន៖ បើ​​ចេះ​តែ​គិត​ច្រើន​គេង​មិន​លក់ ​អ្នក​​អាច​អនុវត្ត​ល្បិច​ងាយ​​មួយ​បាន

អាន៖ ចំនួន​ម៉ោង​ដ៏​ត្រឹម​ត្រូវ​​​ទៅ​តាម​អាយុ​ដែល​ស្ត្រី​គួរ​គេង ​យោងទៅ​តាម​អ្នក​ជំនាញ

ប្រភព៖ Womanitely ប្រែ​សម្រួល៖ Chhai Yarith

អត្ថបទពេញនិយម