ចំនួនម៉ោងដ៏ត្រឹមត្រូវទៅតាមអាយុដែលស្ត្រីគួរគេង យោងទៅតាមអ្នកជំនាញ

2017-05-24 08:21:18
ចំនួនមតិ 0 | ចំនួនចែករំលែក 0

ដូចទៅនឹងការញ៉ាំអាហារឲ្យត្រឹមត្រូវ និងការហាត់ប្រាណដែរ ការគេងគឺពិតជាសំខាន់សម្រាប់សុខភាពស្ត្រីគ្រប់រូបដើម្បីមានថាមពលគ្រប់គ្រាន់ក្នុងការបំពេញការងារផ្សេងៗ។ ប៉ុន្តែ តើស្ត្រីគួរគេងប៉ុន្មានម៉ោងល្អ? បើយោងតាមវេជ្ជបណ្ឌិត Amy Reynolds បានប្រាប់ទៅ Daily Mail Australia ថា ការគេងរបស់ស្ត្រីគួរតែមានការកំណត់ទៅតាមអាយុ។

១. សម្រាប់យុវវ័យ៖ សិស្សសាលាដែលកំពុងរៀននៅវិទ្យាល័យគួរតែគេងចន្លោះពី ៨ – ១០ ម៉ោង ឬយ៉ាងតិចបំផុតក៏៧ ម៉ោងដែរ។ វាជារឿងសំខាន់បំផុតក្នុងការមានទម្លាប់គេងឲ្យបានទៀងទាត់ក្នុងវ័យក្មេងបែបនេះ។

២. និស្សិតមហាវិទ្យាល័យ ឬបុគ្គលិកធ្វើការពេញម៉ោង៖ សម្រាប់ស្ត្រីអាយុចន្លោះពី ១៨ - ២៥ ឆ្នាំគួរគេងចន្លោះពី ៧ - ៩ម៉ោងក្នុងមួយយប់។

៣. ស្ត្រីមានកូនហើយ៖ ស្ត្រីអាយុចន្លោះពី ២៦ - ៦០ គួរគេងចន្លោះពី ៧ – ៩ម៉ោងក្នុងមួយយប់។ សម្រាប់ស្ត្រីក្នុងវ័យនេះ បើអ្នកមិនបានគេងឲ្យគ្រប់គ្រាន់ទេ សុខភាពអ្នកអាចនឹងឆាប់ចុះខ្សោយ។

៤. ស្ត្រីវ័យចំណាស់៖ សម្រាប់អ្នកមានអាយុចាប់ពី ៦០ ឆ្នាំឡើងទៅគួរតែគេងចន្លោះពី ៧ - ៨ ម៉ោងក្នុងមួយយប់។ ចំនួនម៉ោងប៉ុណ្ណេះគឺសក្ដិសមបំផុតសម្រាប់ថែរក្សាសុខភាពឲ្យល្អ។