ទឹកអាចធ្វើឲ្យនារីដ៏ធាត់ម្នាក់ ប្រែក្លាយជាស្លីមបានស្ទើរមិនគួរឲ្យជឿ
- 2017-05-31 04:36:08
- ចំនួនមតិ 0 | ចំនួនចែករំលែក 0
ទឹកអាចធ្វើឲ្យនារីដ៏ធាត់ម្នាក់ ប្រែក្លាយជាស្លីមបានស្ទើរមិនគួរឲ្យជឿ
ស្ត្រីជាគ្រូបង្រៀនជនជាតិអាមេរិកម្នាក់បានប្រើប្រាស់វិធីដ៏ពិសេសមួយដើម្បីផ្លាស់ប្ដូរខ្លួនឯងទាំងស្រុងពីស្ត្រីដ៏ធាត់ម្នាក់មានរាងស្រស់ស្អាតមិនគួរឲ្យជឿ។
Alyssa Lusk អាយុ ២៧ ឆ្នាំមកពីតំបន់ Hattiesburg រដ្ឋ Mississippi បានបញ្ជាក់ថាមុនពេលជួបស្វាមីទម្ងន់នាងបានឡើងរហូតដល់ជាង ៩០ គីឡូឯណោះ។ កាលណោះនាងមិនដែលហាត់ប្រាណទេហើយតែងញ៉ាំអាហារ Fast food ជាប្រចាំទៀតផង។
«ខ្ញុំចាំបានថាពេលទៅដើរទិញខោអាវនៅផ្សារម្ដងៗគឺចង់តែយំទេព្រោះខ្ញុំមិនសប្បាយចិត្តនឹងរូបរាងខ្លួនឯងទាល់តែសោះ » Alyssa បញ្ជាក់។
ដោយការតូចចិត្តនាងក៏បានធ្វើរឿងមួយដែលមនុស្សភាគច្រើនមិនចាប់អារម្មណ៍។ នាងចាប់ផ្ដើមញ៉ាំទឹកយ៉ាងច្រើនជាប្រចាំ គឺប្រហែលជា ៤ លីត្រក្នុងមួយថ្ងៃទៅតាមវេជ្ជបញ្ជារបស់គ្រូពេទ្យ។ បន្ថែមពីលើនោះ នាងក៏ចាប់ផ្ដើមកំណត់អ្វីដែលត្រូវញ៉ាំ និងមិនត្រូវញ៉ាំបូករួមនឹងការប្រឹងប្រែងហាត់ប្រាណឲ្យបានទាត់ទាត់ផង។
« ខ្ញុំឃើញប្រសិទ្ធភាពបន្តិចម្ដងៗ ហើយអ្វីដែលគួរឲ្យភ្ញាក់ផ្អើលនោះគឺមិត្តប្រុសខ្ញុំបានសុំខ្ញុំរៀបការពេលទើបតែស្រក់បាន ១.៥ គីឡូតែប៉ុណ្ណោះ។ ទោះយ៉ាងណា ខ្ញុំបានសន្យានឹងខ្លួនឯងថាខ្ញុំត្រូវស្រកយ៉ាងហោចណាស់ក៏ ៣០ គីឡូទៀតដែរមុនថ្ងៃរៀបការ។ វាពិតជាគួរឲ្យភ្ញាក់ផ្អើលមែនទែនព្រោះខ្ញុំអាចធ្វើបាន។ ឥឡូវនេះខ្ញុំពេញចិត្តហ្នឹងទម្ងន់ខ្លួនឯងគឺប្រហែល ៦៥ គីឡូប៉ុណ្ណោះ។ » Alyssa បន្ថែម។
ដំបូន្មានសំខាន់មួយដែល Alyssa ផ្ដាំផ្ញើទៅអ្នកចង់សម្រក់ទម្ងន់ទាំងឡាយនោះគឺត្រូវចាប់ផ្ដើមញ៉ាំទឹកឲ្យបានច្រើន ពិនិត្យមើលរបបអាហារឡើងវិញ និងត្រូវហាត់ប្រាណឲ្យបានទៀតទាត់៕
អាន៖ រឿងដ៏អស្ចារ្យទាំងនេះនឹងកើតឡើងបើអ្នកបរិភោគទឹកបានគ្រប់គ្រាន់
អាន៖ ស្រីៗគួរប្រយ័ត្ន! នេះជាសញ្ញាព្រមានពីការខ្វះជាតិទឹក