ក្រៅពីអាហារ ទម្លាប់មិនល្អទាំងនេះក៏ធ្វើឲ្យយើងឡើងទម្ងន់ដែរ

2017-05-11 04:53:26
ចំនួនមតិ 0 | ចំនួនចែករំលែក 0

ក្រៅពីការញ៉ាំអាហារ មានស្ត្រីជាច្រើនដែលមិនបានចាប់អារម្មណ៍ទម្លាប់ប្រចាំថ្ងៃមួយចំនួនទៀតដែលអាចធ្វើឲ្យឡើងទម្ងន់ដែរ។ ខាងក្រោមនេះគឺជាទម្លាប់មិនល្អ៥ដែលអាចជំរុញឲ្យឡើងទម្ងន់បាន ថាមិនត្រូវ អ្នកកំពុងធ្វើផងក៏មិនដឹង៖

១. គេងច្រើនជ្រុល៖ ការស្រាវជ្រាវបានបង្ហាញថាការគេងច្រើនរហូតដល់លើស១០ម៉ោងក្នុងមួយថ្ងៃអាចធ្វើឲ្យយើងឡើងទម្ងន់បាន។ នេះជាមូលហេតុដែលពេទ្យតែងណែនាំឲ្យយើងគេងចន្លោះពី ៧ ទៅ ៩ម៉ោងប៉ុណ្ណោះ។

២. ភ្ញាក់ពីគេងក្នុងទីងងឹត៖ តើអ្នកដឹងទេថាបន្ទាប់ពីភ្ញាក់ពីគេង អ្នកគួរបើកវាំងនន ឬបង្អួចដើម្បីឲ្យមានពន្លឺគ្រប់គ្រាន់ចូលក្នុងបន្ទប់ និងមកប៉ះខ្លួនអ្នកព្រោះពន្លឺព្រះអាទិត្យពេលព្រឹកអាចជួយឲ្យរាងកាយយើងរំលាយអាហារបានល្អនិងមានភាពស្វាហាប់។

៣. មិនរៀបចំគ្រែគេង៖ ប្រាកដណាស់ថាបើគ្រែគេងរញ៉េរញ៉ៃ ការគេងក៏មិនលក់ស្រួលដែរ។ បើយើងមានកន្លែងគេងមានរបៀប រាងកាយយើងក៏មានសុខភាពល្អ រួមតាំងការរក្សាទម្ងន់ផងដែរ។

៥. មិនដែលថ្លឹងទម្ងន់សោះ៖ ជឿទេថាការថ្លឹងទម្ងន់ជាប្រចាំនឹងជំរុញយើងឲ្យរក្សាទម្ងន់បានល្អ មិនបណ្ដោយខ្លួនផ្ដេសផ្ដាស។ គួរមានទម្លាប់ថ្លឹងទម្ងន់នៅពេលព្រឹកជាប្រចាំ។

៦. ញ៉ាំអាហារពេលព្រឹកតិចជ្រុល៖ អ្នកគួរញ៉ាំអាហារឲ្យបានគ្រប់គ្រាន់នៅពេលព្រឹកព្រោះវាជួយឲ្យអ្នកងាយស្រួលគ្រប់គ្រងទម្លាប់នៅពេលបន្តបន្ទាប់មិនឲ្យញ៉ាំច្រើនជ្រុល៕