ពេលដែលមានស្នេហាស្រីៗគួរតែចៀសវាងរឿង ៧ យ៉ាងនេះ

2017-04-20 04:07:12
ចំនួនមតិ 0 | ចំនួនចែករំលែក 0

មានរឿងខ្លះស្នេហាមិនត្រូវការ និងមិនចង់ឲ្យអ្នកធ្វើនោះទេ ដូច្នេះអ្នកគួរតែយល់ឲ្យចៀសវាងពីវាដើម្បីកុំឲ្យមានការប្រេះឆាគ្នា។ រឿងទាំងនេះជារឿងដែលអ្នកគួរតែចៀសវាង និងបញ្ឈប់ក្នុងស្នេហា៖

១. ការសង្ស័យ ៖ ទំនាក់ទំនងល្អមួយគឺមានទំនុកចិត្តឲ្យគ្នា ដូច្នេះអ្នកគួរតែកុំគិតសង្ស័យគាត់ពីនេះពីនោះគ្រប់ពេលអី ព្រោះគ្មានអ្នកណាសប្បាយចិត្តពេលដែលមនុស្សខ្លួនឯងស្រឡាញ់មិនជឿខ្លួននោះទេ។

២. ការប្រៀបធៀប ៖ អ្នកមិនគួរប្រៀបធៀបគាត់ទៅអ្នកផ្សេងទៀតឡើយជាពិសេសគឺអតីតសង្សាររបស់អ្នក។ អ្នកគួរតែទទួលយក និង ស្រឡាញ់អ្វីដែលគាត់មាន មិនមែនយកគាត់មកប្រៀបធៀបគ្នានោះទេ។

៣. ប្រកាន់គំនិតតែឯង ៖ ពេលខ្លះអ្នកមិនគួរប្រកាន់យកគំនិតរបស់ខ្លួនគ្រប់ពេលនោះទេ អ្នកគួរតែចេះទទួលយកគំនិតពីគាត់ខ្លះ និងពិភាក្សាគ្នាទៅវិញទៅមក។ អ្នកមិនត្រូវគិតថាគំនិតអ្នកផ្សេងមិនដល់អ្នកនោះទេ។

៤. ធ្វើតាមចិត្តខឹង ៖ អ្នកគួរតែដឹងហើយថាពេលដែលខឹងអ្វីក៏ចេះតែទៅដែរ គ្មានគិតបានវែងឆ្ងាយនោះទេ ដូច្នេះអ្នកមិនត្រូវយកកំហឹងមកដាក់មុខ ហើយធ្វើអ្វីតាមតែចិត្តនោះទេ។

៥. ការកុហក ៖ ការកុហកខ្លះវាអាចធ្វើឲ្យយើងរីករាយ ប៉ុន្តែអ្នកត្រូវដឹងថាគ្មានអ្នកណាចង់ស្ដាប់ពាក្យកុហកចេញពីមាត់មនុស្សខ្លួនឯងស្រឡាញ់នោះទេ ដូច្នេះអ្នកគួរតែចៀសពីការនិយាយមិនពិត ជាពិសេសរឿងសង្សារចាស់ ឬក៏អ្នកព្យាយាមទាក់ទងអ្នកណាម្នាក់ទៀត។

៦. យកគាត់សម្រាប់តម្រូវការអ្នក ៖ អ្នកមិនគួរចាត់ទុកគាត់ជាអ្នកផ្គត់ផ្គង់តម្រូវការរបស់អ្នកនោះទេ បើអ្នកស្រឡាញ់គាត់ដោយសារតែចង់បានប្រយោជន៍ពីគាត់នោះអ្នកគួរតែបញ្ឈប់ទៅ។]

៧. ទុកស្នេហាជា game មួយ ៖ ស្នេហាមិនមែន game ដែលអ្នកត្រូវយកមកលេងសើចនោះទេ ដូច្នេះបើអ្នកគ្រាន់តែទុកស្នេហាជាការសប្បាយ ការប្រកួតប្រជែង អ្នកគួរតែបោះចោលស្នេហានោះទេព្រោះវាគ្មានបានការនោះទេ។

អ្វីដែលល្អ ដែលត្រូវសឹមធ្វើ បើខុស ហើយមិនល្អគួរតែបោះចោល៕

ប្រភព៖ Womenosophy

អត្ថបទ៖ ផេង ផលធិតា